तीन महिन्यांपूर्वी प्लॅनिंग, गोळी चालवण्याचा सराव; मोहोळला संपवण्यासाठी शुक्रवारच का निवडला?
प्रथमवर्ग न्याय दंडाधिकारी एस. सी. बिराजदार यांच्या न्यायालयाने वकिलांना ८ जानेवारीपर्यंत तर अन्य सहा आरोपींना १० जानेवारीपर्यंत पोलिस कोठडी सुनावली आहे. दरम्यान, अटक करण्यात आलेले दोघेही वकील हे बार असोसिएशनचे सदस्य आहेत. अटक करण्यात आलेले आरोपी साहिल उर्फ मुन्ना पोळेकर, नामदेव कानगुडे, अमित उर्फ अमर कानगुडे, चंद्रकांत शेळके, विनायक गव्हाणकर, विठ्ठल गांदले, वकील रवींद्र पवार, वकील संजय उढाण त्यांना काल न्यायालयासमोर हजर करण्यात आलं होतं.

मामाचा अपमान भाच्याने बदला घेतला

शरद मोहोळ खून प्रकरणातील आरोपी मुन्ना पोळेकरचा मामा नामदेव कानगुडे आणि शरद मोहोळ यांच्यात दहा वर्षांपूर्वी वाद झाला होता. त्यावेळी नामदेव कानगुडे हा सुतारदरा परिसरातच राहत होता. नामदेव कानगुडे याला शरद मोहोळ याने मारहाण केली होती. याचा राग साहिल उर्फ मुन्ना पोळेकरच्या डोक्यात होता. शरद मोहोळ याच्याशी वाद झाल्यानंतर नामदेव कानगुडे याला सुतारदरा परिसर सोडावा लागला. त्यानंतर तो भुगावला स्थायिक झाला. तेव्हापासूनचा राग डोक्यात असलेल्या मुन्नाने शांतपणे व्यवस्थित प्लॅन करून शरद मोहोळच्या टोळीमध्ये एन्ट्री केली. त्यानंतर तो शरद मोहोळ याच्यासोबत सावलीप्रमाणे वागू लागला आणि अखेर शुक्रवारी दुपारी शरद मोहोळ हा घरातून दगडूशेठ गणपतीचे दर्शन घेण्यासाठी बाहेर पडला असताना घरातून बाहेर पडताच शरद मोहोळ याच्यासोबत असणाऱ्या मुन्ना पोळेकर आणि दोन साथीदारांनी त्याच्यावर गोळ्या झाडून खून केला.
Sharad Mohol: ९ वर्ष तुरुंगात, अनेक प्रकरणांमध्ये नाव, ड्रायव्हर ते कुख्यात गँगस्टर कसा बनला शरद मोहोळ?
Read Latest Maharashtra News And Marathi News