खेरवाडी पोलिसांचे पथक घटनास्थळी पोहोचले आणि गंभीर अवस्थेत पडलेल्या जाधव यांना सायन रुग्णालयात नेण्यात आले. मात्र दाखल करण्यापूर्वीच त्यांचा मृत्यू झाला. जाधव यांच्या खिशातील ओळखपत्रामुळे त्यांची ओळख पटली. ते पोलीस दलात असल्याचे समजल्यावर दिंडोशी पोलीस आणि त्यांच्या कुटुंबियांना अपघाताची माहिती देण्यात आली. त्यांच्या मृत्यूच्या वृत्ताने वरळी बीडीडी चाळीवर शोककळा पसरली आहे. याप्रकरणात अधिक तपास सुरु असल्याचे पोलिसांनी म्हटले आहे.