वरिष्ठ पोलिस निरीक्षक अमरनाथ वाघमोडे यांनी दिलेल्या माहितीनुसार, फिर्यादी प्रमोद यादव यांचे कुटुंब रावेत येथील फेलिसिटी सोसायटीमध्ये वास्तव्यास आहे. त्यांना तीन मुले आहेत. प्रमोद यादव आणि त्यांची पत्नी प्रतिमा हे दोघेही त्याच सोसायटीमध्ये हाउसकीपिंगचे काम करीत होते. आरोपी हा त्या सोसायटीमध्ये प्लंबिंगचे काम करीत होता. बुधवारी सकाळी साडेअकरा वाजता प्रतिमा कामावर गेल्या. त्या सोसायटीच्या क्लब हाउसमध्ये काम करीत असताना आरिफने त्यांच्याकडे मोबाइल नंबरची मागणी केली; तसेच आपण प्रेमसंबंधांत राहू असे म्हटले. याला प्रतिमा यांनी विरोध केला.

हा प्रकार आपल्या पतीला व पोलिसांना सांगणार असल्याचे त्या म्हणाल्या. याचा राग आल्याने आरिफने प्रतिमा यांचा गळा आवळला; तसेच हाताने मारहाण केली. त्यानंतर प्रतिमा यांना भिंतीवर ढकलून दिले. यामध्ये प्रतिमा गंभीर जखमी झाल्या. त्यातच त्यांचा मृत्यू झाला. हा प्रकार बुधवारी सायंकाळी सव्वासहाच्या सुमारास उघडकीस आला. घटनेची माहिती मिळताच रावेत पोलिसांनी घटनास्थळी धाव घेतली. चौकशी करून पोलिसांनी आरोपी आरिफला ताब्यात घेतले. त्याच्याकडे चौकशी केली असता त्याने खून केल्याचे कबूल केले.

तुमच्या जमिनीत खजिना पुरलाय, फसवून ४ वर्षात ११ जणांची हत्या, एक चूक अन् सिरियल किलरला अटक
Read Latest Maharashtra News And Marathi News