पालघर : आठ वर्षाची अल्पवयीन मुलगी चिडवते म्हणून अल्पवयीन मुलाने या चिडवणाऱ्या मुलीची गळा दाबून हत्या केल्याची धक्कादायक घटना वसई परिसरात उघड झाली आहे. आपल्या लहान मुलाने केलेल्या या खुनाची बाब उघड होऊ नये, यासाठी अल्पवयीन मुलाच्या वडिलांनी आठ वर्षांच्या अल्पवयीन मुलीचा मृतदेह गोणीत भरून शेजारच्याच एका बंद घरात ठेवला होता. पिल्लर पोलिसांनी या प्रकरणी अल्पवयीन मुलाच्या वडिलांना अटक केली असून मुलाला देखील ताब्यात घेतले आहे.
वसई पूर्वेला असलेल्या वसई फाटा परिसरात आठ वर्षाची अल्पवयीन मुलगी आपल्या आई वडील आणि भावंडासह रहात होती. जवळच्याच जिल्हा परिषद शाळेच्या इयत्ता तिसरीत शिकत होती. शनिवार १ डिसेंबर रोजी शाळेतून घरी आल्यानंतर ती स्वतःसाठी आईस्कीम आणण्यासाठी गेली होती. तेथून परतल्यानंतर घराजळच खेळत असताना संध्यकाळी अचानक बेपत्ता झाली. तिच्या कुटुंबीयांनी तिच्या सर्वत्र शोध घेतला मात्र ती न सापडल्याने पेल्हार पोलीस ठाणे गाठत याबाबत तक्रार दिली. सोमवारी दुपारी तीन वाजताच्या सुमारासच्या अल्पवयीन मुलीचा मृतदेह ती राहत असलेल्या घराच्या शेजारी असलेल्या बंद घरात एका गोणीत आढळून आला. याप्रकरणी पेल्हार पोलीस ठाण्यात अपहरणाचा गुन्हा दाखल करण्यात आला.या प्रकरणाचा तपास करण्यासाठी पोलिसांची तीन पथके स्थापन करण्यात आले.
वसई पूर्वेला असलेल्या वसई फाटा परिसरात आठ वर्षाची अल्पवयीन मुलगी आपल्या आई वडील आणि भावंडासह रहात होती. जवळच्याच जिल्हा परिषद शाळेच्या इयत्ता तिसरीत शिकत होती. शनिवार १ डिसेंबर रोजी शाळेतून घरी आल्यानंतर ती स्वतःसाठी आईस्कीम आणण्यासाठी गेली होती. तेथून परतल्यानंतर घराजळच खेळत असताना संध्यकाळी अचानक बेपत्ता झाली. तिच्या कुटुंबीयांनी तिच्या सर्वत्र शोध घेतला मात्र ती न सापडल्याने पेल्हार पोलीस ठाणे गाठत याबाबत तक्रार दिली. सोमवारी दुपारी तीन वाजताच्या सुमारासच्या अल्पवयीन मुलीचा मृतदेह ती राहत असलेल्या घराच्या शेजारी असलेल्या बंद घरात एका गोणीत आढळून आला. याप्रकरणी पेल्हार पोलीस ठाण्यात अपहरणाचा गुन्हा दाखल करण्यात आला.या प्रकरणाचा तपास करण्यासाठी पोलिसांची तीन पथके स्थापन करण्यात आले.
या प्रकरणाचा तपास करत असतानाच याच परिसरातील एक अल्पवयीन मुलगा देखील बेपत्ता असल्याची माहिती पोलिसांना मिळाली. त्यानंतर पोलिसांनी या मुलाबाबत त्याच्या वडिलांकडे चौकशी आणि तपास केला असता आठ वर्षाच्या अल्पवयीन मुलीच्या हत्येचा उलगडा झाला आहे. आठ वर्षाची अल्पवयीन मुलगी शेजारी राहणाऱ्या या अल्पवयीन मुलाला शेंबड्या म्हणून चिडवत होती. याचा राग मनात ठेऊन रागाच्या भरात या अल्पवयीन मुलाने आठ वर्षांच्या या मुलीचा गळा दाबून तिची हत्या केली. त्यानंतर त्याने या संपूर्ण घटनेची माहिती त्याच्या वडिलांना दिली. वडिलांनी हा संपूर्ण खुनाचा प्रकार लपवून ठेवण्यासाठी चिमुकलीचा मृतदेह एका गोणीत भरून शेजारच्या एका बंद घरात मोरीत ठेवला.
गडावरून उतरताना पाय घसरला, मोठा अनर्थ टळला, मुंबईतील महिला गिर्यारोहक सुखरूप; नेमकं काय घडलं?
आपला मुलगा या प्रकरणात अडकू नये यासाठी वडिलांनी आपल्या अल्पवयीन मुलाला देखील फरार केले. तपासात ही धक्कादायक माहिती उघड झाल्यानंतर पेल्हार पोलिसांनी याप्रकरणी आरोपी अल्पवयीन मुलाच्या वडिलांना अटक केली आहे. त्याचप्रमाणे अल्पवयीन मुलीची हत्या करणाऱ्या अल्पवयीन मुलाला देखील जालना येथून पोलिसांनी ताब्यात घेतले आहे.
Palghar News: भीषण आगीत भाताचे ८०० भारे जळून खाक; गातेस गावातील शेतकऱ्याचे मोठं नुकसान
Read Latest Maharashtra News And Marathi News