आता इंडिया आघाडीची लवकरच ईव्हीएमवर बैठक होईल, असा टोला लगावताना ते म्हणाले की, जोवर या मानसिकतेतून काँग्रेस बाहेर पडत नाही, तोवर त्यांचे काहीच होऊ शकत नाही. आगामी लोकसभा निवडणुकीत तेलंगणात भाजपाचेच सर्वाधिक खासदार निवडून येतील. तीच स्थिती कर्नाटकमध्ये सुद्धा अनुभवास येईल. महाराष्ट्रातही लोकसभा आणि विधानसभा निवडणुकीत दणदणीत यश आम्ही मिळवू, असा विश्वास त्यांनी व्यक्त केला.

निकालांचे विश्लेषण करताना फडणवीस म्हणाले, या निवडणूकात भाजपची सरासरी मतांची टक्केवारी १० टक्क्यांहून अधिकने वाढली आहे. छत्तीसगड, मध्यप्रदेशसह तेलंगणमध्येही ही वाढली आहे. आज जाहीर झालेल्या ६३९ जागांच्या निकालांपैकी ३३९ जागा भाजपने जिंकल्या आहेत. यावरून जनतेचा विश्वास भाजपवरच असल्याचे दिसून येत आहे. आगामी लोकसभा निवडणूकीत जनता पुन्हा एकदा मोदींच्या नेतृत्त्वात भाजपच्याच हाती सत्ता देईल असा विश्वासही फडणवीस यांनी यावेळी व्यक्त केला. यावेळी प्रदेशाध्यक्ष चंद्रशेखर बावनकुळे उपस्थित होते.