मात्र, आपण कोणताही गुन्हा केलेला नाही, असे म्हणून दळवी यांनी अॅड. संदीप सिंह यांच्यामार्फत जामीन अर्ज केला होता. ‘दळवी यांना खोट्या गुन्ह्याच्या प्रकरणात गोवण्यात आले आहे. शिवाय या कथित गुन्ह्याचा पोलीस तपास पूर्ण झाला असल्याने दळवी यांना गजाआड ठेवण्यात काहीच अर्थ नाही’, अशा प्रकारचा युक्तिवाद सिंह यांनी केला होता. न्यायाधीश एम. आर. वाशिमकर यांनी दोन्ही बाजू तपासल्यानंतर दळवी यांना शुक्रवारी जामीन मंजूर केला. जामिनाबाबतच्या सविस्तर आदेशाची प्रत नंतर उपलब्ध होईल.