डोंबिवली : डोंबिवलीतील खोणी येथे ड्रग्ज या अंमली पदार्थाची विक्री करणाऱ्या दोघांना मानपाडा पोलिसांनी अटक केली आहे. खोणी पलावा परिसरातील जागरूक नागरिकांनी ही बाब मानपाडा पोलिसांच्या लक्षात आणून दिल्यानंतर पोलिसांनी छापा टाकत दोघांना अटक केली. त्यांच्याकडून एमडी नावाचं ड्रग्स आणि अडीच लाख रुपये केले जप्त करण्यात आले आहेत. येत्या डिसेंबर महिन्यात वर्षाची सांगता आहे, तर नविन वर्षाच्या आधीच डोंबिवलीत ड्रग्स सापडल्याने एकच खळबळ माजली आहे. त्यामुळे मानपाडा पोलिसांनी आता हाय अलर्टवर रहावे लागणार आहे.

मोठ्या शहारामध्ये नववर्षाच्या पूर्वसंध्येला मोठ्या प्रमाणात पार्ट्या आणि जल्लोष केला जातो. या पार्ट्यांमध्ये अनेक वेळेला अमली पदार्थ घेणारे तरुण आढळले जात असून त्याच्यावर पोलिसांनी कारवाई सुद्धा केलीली आपण पाहिले आहे. मात्र, यातच डोंबिवलीत नोव्हेंबर महिन्यातच अमली पदार्थांची तस्करी करणाऱ्या दोघांना नागरिकांच्या सतर्कतेने पोलिसांनी दोघांना पकडले.

या दोघांकडे ड्रग्स आणि रोख रक्कम सापडल्याने खोणी पलावा सारख्या हाय प्रोफाइल परिसरात एकच खळबळ माजली आहे. मानपाडा पोलीस ठाण्याच्या हद्दीत मोठ्या प्रमाणात बार अँड रेस्टॉरंट तसेच आर्केस्ट्रा बार आहेत. त्यामुळे हे अमली पदार्थ तरुणाई पर्यत पोहोचू नये याची दक्षता आता पोलिसांना घ्यावी लागणार आहे.