माझ्या वक्तव्यामुळे जर का समाज स्वस्त बिघडत असेल तर त्यासाठी मी हा शब्द मागे घेतो. मी कुणाच्या दबावाखाली किंवा मी कुणाच्या टिकांना घाबरून हा शब्द मागे घेत नाही, तर प्रकाश आंबेडकर यांनी दिलेल्या सल्ल्यामुळे व समाजाचे स्वास्थ खराब होऊ नये, यासाठी मी हा शब्द मागे घेत आहे, अशी कबुली मनोज जरांगे पाटील यांनी ‘महाराष्ट्र टाइम’शी बोलताना दिली.

मराठवाड्यातील मराठा समाजातील कुणबी नोंदी तपासण्यासाठी शिंदे समिती स्थापन करण्यात आली होती. आता त्या समितीचे काम संपले असून ती बरखास्त करण्यात यावी, अशी मागणी मंत्री छगन भुजबळ यांनी केली होती. यावर बोलताना मनोज जरांगे म्हणाले की,शिंदे समिती ही मराठवाड्यासाठी नाही तर महाराष्ट्रासाठी होती त्यांनी अभ्यास केला तर बरं होईल. कायद्याला चॅलेंज करणे एवढे सोपे नाही.

समिती महाराष्ट्रासाठी काम करते सरकारने कायद्याच्या पुढे कोणीच नाही. कायद्याने तयार केलेली समिती रद्द करणे एवढी सोपे नाही. मराठा समाजाच्या कानाकोपऱ्यातील नोंदी तपासणे आवश्यक आहे. समिती रद्द करण्यात आली तर सरकारला समाजाच्या रोषीला समोर जावे लागेल, असा इशारा देखील मनोज जरांगे पाटील यांनी दिला.

Read Latest Maharashtra News And Marathi News