मुंबई : राज्यात यंदा हवा तितका पाऊस न झाल्याने बळीराजा आधीच संकटात आहे. अशात नोव्हेंबर महिन्यात झालेल्या अवकाळी पावसामुळे शेतकऱ्यांच्या चिंतेत अजून भर पडली आहे. अशात राज्याला पुन्हा एकदा गारपिटीसह अवकाळी पाऊसाने चांगलंच झोडपून काढलं आहे. या अवेळी पडलेल्या पावसानं हातातोंडाशी आलेला घास हिरावून घेतला आहे. अशात पावसाचा हा दोर आणखी दोन दिवस कायम असणार आहे.
विदर्भातल्या बहुतांशी जिल्ह्यांमध्ये पिकांचे मोठं नुकसान झालं आहे. हरभरा, तूर, सोयाबीन, कापूस, गहू इत्यादीसह अनेक पिकांना मोठा फटका बसला आहे. नागपूर प्रादेशिक हवामान खात्यांने दिलेल्या माहितीनुसार, अवकाळी पावसाचा हा तडाखा पुढच्या २ दिवस कायम असणार आहे. यामुळे राज्यातल्या अनेक जिल्ह्यांना यलो अलर्ट जारी करण्यात आला आहे.
विदर्भातल्या बहुतांशी जिल्ह्यांमध्ये पिकांचे मोठं नुकसान झालं आहे. हरभरा, तूर, सोयाबीन, कापूस, गहू इत्यादीसह अनेक पिकांना मोठा फटका बसला आहे. नागपूर प्रादेशिक हवामान खात्यांने दिलेल्या माहितीनुसार, अवकाळी पावसाचा हा तडाखा पुढच्या २ दिवस कायम असणार आहे. यामुळे राज्यातल्या अनेक जिल्ह्यांना यलो अलर्ट जारी करण्यात आला आहे.
अधिक माहितीनुसार, अवकाळी पावसाचा ८९० गावांमधील ६७ हजार ८६६ शेतकऱ्यांना फटका बसला आहे. ३२ हजार ८३२ हेक्टरवरील पिकांचे नुकसान झाल्याचा प्राथमिक अंदाज जिल्हा प्रशासनाने वर्तविला आहे. तर १० हजार ४०८ हेक्टरवरील कांदा, ६ हजार ७२९ हेक्टरवरील भात पिकाचा समावेश आहे.
भारतीय हवामान विभागाकडून प्राप्त झालेल्या हवामान अंदाजानुसार २८ ते २९ ( उद्या आणि परवा )सर्वत्र हलक्या ते मध्यम स्वरूपात पाऊस पडण्याची शक्यता आहे. त्यामुळे शेतकऱ्यांनी आपल्या शेतमालाची योग्य ठिकाणी विल्हेवाट लावावी, अशा सूचना देण्यात आल्या आहेत. हवामान खात्याने वर्तवलेल्या अंदाजानुसार, रविवारी मध्यरात्रीपासून अमरावतीसह अकोला, बुलढाणा, वाशिम, यवतमाळ या जिल्ह्यांमध्ये सततंधार पावसाने हजेरी लावली. वादळी वाऱ्यांमुळे अनेक ठिकाणी किरकोळ नुकसान झाले.
मालदीव ते उत्तर महाराष्ट्रापर्यंत हवेच्या खालच्या थरात कमी दाबाची द्रोणीय स्थिती निर्माण झाली. यामुळे २६ नोव्हेंबरला ऐक नवीन पश्चिमी चक्रवात वायव्य आणि पश्चिम भारताला(पश्चिम किनारपट्टी) बाधित करण्याची शक्यता हवामान खात्याला वर्तवली होती. याच्या परिणामी हवेच्या वरच्या थरात पश्चिमेकडून तर खालच्या थरात पुर्वेकडुन म्हणजे बंगालच्या उपसागरातुन बाष्प युक्त वारे वाहण्याची शक्यता निर्माण झाली. या वाऱ्यांमुळे मध्य महाराष्ट्र, कोकण, गोव्यात २५ ते २७ नोव्हेंबर तसेच मराठवाड्यात २५ ते २८ या कालावधीत अनेक ठिकाणी वादळी वाऱ्यासह गडगडाट आणि विजांच्या सह पावसाची शक्यता आहे.