निखिल आणि रेणुका यांचा सहा वर्षांपूर्वी प्रेम विवाह झाला होता. सप्टेंबर महिन्यात रेणुकाचा वाढदिवस होता. तिला दुबईला वाढदिवस साजरा करण्याची इच्छा होती. पती तिला दुबईला घेऊन गेला नाही; तसेच पाच नोव्हेंबरला त्यांच्या लग्नाचा वाढदिवस होता. त्या वेळी पतीने मनासारखी भेटवस्तू दिली याचा तिला राग होता.

अश्लील व्हिडिओवरुन ब्लॅकमेल, खंडणीखोर कृषी अधिकारी महिला लेकासह अटकेत, घरी १९ लाखांचं घबाड
रेणुकाला डिसेंबर महिन्यात भावाच्या मुलीच्या वाढदिवसासाठी दिल्लीला जायचे होते. यावरून दोघांमध्ये मागील काही दिवसांपासून वाद सुरू होते. दोघांमध्ये शुक्रवारी दुपारी याच कारणावरून भांडण झाले.

स्टेजवरच कपडे उतरवत तरुणीचे अश्लील नृत्य, तरुणाचं किस, भंडाऱ्यात डान्स ‘हंगामा’
रेणुकाने रागाच्या भरात पतीच्या तोंडावर ठोसा मारला. यामध्ये निखिल गंभीर जखमी झाले. त्यांना तातडीने रुग्णालयात दाखल करण्यात आले. मात्र, त्यांचा मृत्यू झाला होता.

कोर्टात पोहोचण्यास ३० मिनिटांचा उशीर, दोघा पोलिसांना गवत कापण्याची शिक्षा
निखिल यांच्या नाकातून रक्तस्त्राव झाला होता; तसेच रक्ताच्या गुठळ्या झाल्या होत्या. श्वासोच्छ्वास घ्यायला त्रास झाल्याने निखिल यांचा मृत्यू झाला असावा, असा अंदाज वानवडी पोलिस ठाण्याचे पोलिस निरीक्षक सुरेश पाचंगे यांनी वर्तवला. या घटनेची माहिती मिळाल्यानंतर वानवडी पोलिसांनी घटनास्थळी धाव घेतली.

Read Latest Pune Updates And Marathi News