रत्नागिरी: मुंबई-गोवा महामार्गावर अलीकडे भरधाव वेगाने येणाऱ्या अवजड वाहनांमुळे पादचाऱ्यांना उडवण्याचे प्रकार वाढीस लागले आहेत. अशाच एका भीषण अपघातात आज सकाळी लांजा येथील एका ३५ वर्षीय विवाहित महिलेचा जागीच मृत्यू झाल्याची दुर्दैवी घटना घडली. मात्र, यामुळे तीन मुले पोरगी झाली असून मोल मजुरी करून संसाराचा गाडा ओढणाऱ्या पल्लवी पेंढारी यांच्या मृत्यूने हळहळ व्यक्त होत आहे.
आज गुरुवारी २३ नोव्हेंबर रोजी सकाळी भरधाव ट्रेलरने दोन पादचारी महिलांना उडवले. यातील एका महिलेचा जागीच मृत्यू झाला. या अपघातामध्ये ज्या पल्लवी पेंढारी यांचा मृत्यू झाला त्यांच्यावरच सगळ्या संसाराची मोठी जबाबदारी होती. त्यांचे पती ही अलीकडे एका मोठ्या आजारातून बरे झाले होते. त्यामुळे पल्लवी या खाजगी ठिकाणी मोलमजुरी करून आपल्या कुटुंबाचा उदरनिर्वाह चालवत होत्या. पल्लवी यांच्या मृत्यूमुळे तीन मुले आईला पोरकी झाल्याने लांजा परिसरातून हळहळ व्यक्त करण्यात येत आहे. पल्लवी यांची मोठी मुलगी इयत्ता बारावीचे शिक्षण घेऊन एका मेडिकल स्टोर मध्ये काम करून आईला मदत करत होती.
आज गुरुवारी २३ नोव्हेंबर रोजी सकाळी भरधाव ट्रेलरने दोन पादचारी महिलांना उडवले. यातील एका महिलेचा जागीच मृत्यू झाला. या अपघातामध्ये ज्या पल्लवी पेंढारी यांचा मृत्यू झाला त्यांच्यावरच सगळ्या संसाराची मोठी जबाबदारी होती. त्यांचे पती ही अलीकडे एका मोठ्या आजारातून बरे झाले होते. त्यामुळे पल्लवी या खाजगी ठिकाणी मोलमजुरी करून आपल्या कुटुंबाचा उदरनिर्वाह चालवत होत्या. पल्लवी यांच्या मृत्यूमुळे तीन मुले आईला पोरकी झाल्याने लांजा परिसरातून हळहळ व्यक्त करण्यात येत आहे. पल्लवी यांची मोठी मुलगी इयत्ता बारावीचे शिक्षण घेऊन एका मेडिकल स्टोर मध्ये काम करून आईला मदत करत होती.
पल्लवी प्रकाश पेंढारी (वय 35 वर्षे रा. अंजणारी पेंढारीवाडी, लांजा) असे अपघातात मृत्यू झालेल्या महिलेचे नाव आहे. दोघी पादचारी महिला नेहमीप्रमाणे कामासाठी शेती बागायतीच्या ठिकाणी चालल्या होत्या. मृत्यू झालेल्या पल्लवी पेंढारी हिच्या पश्चात पती, दोन मुली एक मुलगा असं कुटुंब आहे. या महिलेचे पती ही अलीकडेच एका आजारातून बरे झाले आहेत. संसाराची मोठी जबाबदारी पल्लवी यांच्यावरती आली होती अशी माहिती येथील स्थानिकांनी दिली. मृत्यू झालेल्या पल्लवी हिची मोठी मुलगी ही बारावीनंतर एका मेडिकल स्टोअरमध्ये काम करून आपल्या आईला मदत करते तर दुसरी एक मुलगी इयत्ता बारावी मध्ये शिक्षण घेत आहे तरी मुलगा इयत्ता नववी मध्ये आहे. पल्लवीच्या अशा अपघाती जाण्याने या मुलांबरोबरच अवघ्या पेंढारी कुटुंबावरती दुःखाचा डोंगर कोसळला आहे.
या अपघात प्रकरणी ट्रेलर चालक सद्दाम हकिमुदिम अन्सारी (वय 26 वर्षे रा. बिहार, जिल्हा कैमुर तहसील चैनपूर )याच्यावर लांजा पोलीस ठाण्यात गुन्हा दाखल करण्यात आला आहे. लांजा पोलीस ठाण्याचे सहाय्यक निरीक्षक श्री. देशमुख अशी तपास करत आहेत.
Read Latest Maharashtra News And Marathi News