दरम्यान नाशिक जिल्हा रुग्णालयातील डॉक्टर मोरे यांनी रोशनी पवार यांना तपासून मृत घोषित केले. या घटनेने नाशिकच्या धृवनगर परिसरात खळबळ उडाली असून अवघ्या २३ वर्षीय विवाहित महिलेने आत्महत्या केल्यामुळे हळहळ व्यक्त केली जात आहे. याप्रकरणी नाशिकच्या गंगापूर पोलीस ठाण्यात नोंद करण्यात आली आहे. आत्महत्या केलेल्या महिलेच्या घरातून पोलिसांनी सुसाइड नोट जप्त केल्याची माहिती मिळाली असून या सुसाईड नोट मध्ये माझ्या आत्महत्येस कोणाला जबाबदार धरू नये, असा उल्लेख करण्यात आल्याची माहिती सूत्रांकडून मिळाली आहे.

आत्महत्या केलेल्या महिलेच्या माहेरच्या नातेवाईकांनी सासरच्या मंडळीकडून होणाऱ्या छळाला कंटाळून आत्महत्या केल्याचा आरोप केला आहे. माहेरून पैसे आणण्यास सांगतात. स्वयंपाक येत नाही, घरातील कामे जमत नाही, यावरून सतत टोमणे मारत असल्याचा आणि छळत असल्याचा आरोप केला आहे. या प्रकरणाचा पुढील तपास गंगापूर पोलीस करीत आहेत.