प्रत्यक्षात सानिका हिनेच चौरसिया यांच्या मुलाचे अपहरण केले होते. तिने त्या मुलासह घाटकोपर गाठले. तेथे पवन आणि सार्थक याला भेटली. त्याच टॅक्सीने मुलाला विकण्यासाठी सर्वजण कल्याण येथे पोहोचले. सानिका हिने मुलाच्या बदल्यात दोन लाखांची मागणी त्यांच्याकडे केली. मात्र तिला लगेच पैसे देण्यास पवनने नकार दिला. आधीच मुलाच्या पालकांना समजल्याने पोलिसांत धाव घेतली होती. त्यातच दोन लाख रुपये मिळाले नसल्याने सानिका त्या मुलाला घेऊन पुन्हा शिवडीत आली.

सानिकाने चौरसियांच्या मुलास परिचयातील एका व्यक्तीकडे दिले. तो मुलगा बेवारस सापडल्याचे तिने त्यांना सांगितले. या व्यक्तीने मुलास घेऊन वडाळा पोलीस ठाणे गाठले. पोलिसांनी मुलाकडे चौकशी केली, त्यावेळी त्याने सानिकाचे बिंग फुटले. त्या तीन वर्षांच्या मुलाने आपण सानिका हिच्यासोबत होतो, असे पोलिसांना सांगितले. त्यानुसार पोलिसांनी प्रथम सानिकाला ताब्यात घेतले. तिने पवनच्या सांगण्यावरून तीन वर्षांच्या मुलाचे अपहरण केल्याची कबुली तिने दिली. अधिक चौकशी केल्यानंतर पोलिसांनी घाटकोपरच्या पवन आणि सार्थक या दोघांना अटक केल्याची माहिती पोलीस उपायुक्त संजय लाटकर यांनी दिली.