सातारा: अनेक राज्यातील लाखो भाविकांचे कुलदैवत आणि श्रध्दास्थान असलेले येथील श्री सिध्दनाथ व माता जोगेश्वरी या देवतांचा पारंपरिक शाही विवाह सोहळ्याचा शुभारंभ दीपावली पाडव्याच्या मुहूर्तावर मंदिरात श्रीची घटस्थापना करून करण्यात आला. प्रत्येक वर्षी कार्तिक प्रतिपदा ते मार्गशीर्ष महिन्यातील प्रतिपदादरम्यानच्या एक महिन्याच्या कालावधीचा श्रींचा हा मंगलमय शाही विवाह सोहळा विविध धार्मिक उपक्रमांनी साजरा केला जातो.
आज दीपावली पाडव्यास पहाटे साडेपाच वाजता श्रींची घटस्थापना, दुपारी श्रींच्या हळदीचा कार्यक्रम पार पडला. भाऊबिजेदिवशी सायंकाळी दिवाळी मैदान, तुलसी विवाहादिवशी रात्री बारा वाजता श्रींचा विवाह सोहळा आणि विवाह सोहळ्यानंतर देवदिवाळीस वधू वरांची वरात रथातून काढून शाही विवाह सोहळ्याची सांगता रथयात्रेने केली जाणार आहे.
आज दीपावली पाडव्यास पहाटे साडेपाच वाजता श्रींची घटस्थापना, दुपारी श्रींच्या हळदीचा कार्यक्रम पार पडला. भाऊबिजेदिवशी सायंकाळी दिवाळी मैदान, तुलसी विवाहादिवशी रात्री बारा वाजता श्रींचा विवाह सोहळा आणि विवाह सोहळ्यानंतर देवदिवाळीस वधू वरांची वरात रथातून काढून शाही विवाह सोहळ्याची सांगता रथयात्रेने केली जाणार आहे.
यावेळी मंदिरातील पादुका मंडपात सालकरी महेश गुरव त्यांची पत्नी सौ. राणी, सोबत परटीण कुरवली, चार सुहासिनी महिला, श्रींचे पाळेकरी पुजारी, गुरव, घडशी आणि डवरी यांच्यासमवेत साध्या पध्दतीने संपन्न होताच श्री वर सिध्दनाथ, वधू माता जोगेश्वरी यांच्या उत्सव मूर्तींना स्नान घालून त्या पूर्ववत मुख्य गाभाऱ्यातील श्रीच्या मुख्य मूर्तीजवळ स्थानापन्न करण्यात आली. श्रींच्या शाही मंगल विवाह सोहळ्यातील हळदी लावण्याच्या कार्यक्रमास म्हसवड नगरीतील विशेत: भाविक महिलांची उपस्थिती हजारोंच्या संख्येने उपस्थित होत्या.