म.टा. प्रतिनिधी, नागपूर: नागपूर महानगर व ग्रामीण भागात करण्यात येत असलेल्या कुणबी जात नोंदणीच्या तपासणीत २ लाख ३३ हजार ६५३ कुणबी असल्याचे आढळून आले. आतापर्यंत २३ लाख २२ हजार २८३ अभिलेखांची तपासणी करण्यात आली. यात मराठा कुणबी ३५ आणि कुणबी मराठा अशी नोंद असणाऱ्यांची संख्या केवळ ११ आहेत.
मराठा समाजातील व्यक्तींना मराठा-कुणबी, कुणबी-मराठा जातीचे जात प्रमाणपत्र देण्यासंदर्भात कार्यपद्धती विहीत करण्यासाठी निवृत्त न्यायमूर्ती संदीप शिंदे यांच्या अध्यक्षतेखाली समिती स्थापन करण्यात आली आहे. या पार्श्वभूमीवर मराठवाड्यात कुणबी नोंदी शोधण्यासाठी जी मोहीम राबविण्यात आली त्याप्रमाणे संपूर्ण राज्यभर ही प्रक्रिया मिशनमोडवर राबविण्याचे निर्देश मुख्यमंत्री एकनाथ शिंदे यांनी शुक्रवारी, ३ नोव्हेंबर रोजी दृकश्राव्य माध्यमाद्वारे सर्व विभागीय आयुक्त आणि जिल्हाधिकाऱ्यांना दिले होते.
उर्वरित नोंदीचाही होणार विचार
मराठा समाजातील व्यक्तींना मराठा-कुणबी, कुणबी-मराठा जातीचे जात प्रमाणपत्र देण्यासंदर्भात कार्यपद्धती विहीत करण्यासाठी निवृत्त न्यायमूर्ती संदीप शिंदे यांच्या अध्यक्षतेखाली समिती स्थापन करण्यात आली आहे. या पार्श्वभूमीवर मराठवाड्यात कुणबी नोंदी शोधण्यासाठी जी मोहीम राबविण्यात आली त्याप्रमाणे संपूर्ण राज्यभर ही प्रक्रिया मिशनमोडवर राबविण्याचे निर्देश मुख्यमंत्री एकनाथ शिंदे यांनी शुक्रवारी, ३ नोव्हेंबर रोजी दृकश्राव्य माध्यमाद्वारे सर्व विभागीय आयुक्त आणि जिल्हाधिकाऱ्यांना दिले होते.
त्यानुसार नागपूर विभागासाठी विभागीय समन्वय अधिकारी म्हणून उपायुक्त (सामान्य) प्रदीप कुलकर्णी यांची नेमणूक करण्यात आली आहे. जिल्हास्तरीवर जिल्हाधिकारी यांच्या अध्यक्षतेखाली समिती, अंमलबजावणीसाठी अतिरिक्त जिल्हाधिकारी यांची समिती आणि तालुका स्तरावर तहसीलदार यांच्या अध्यक्षतेखाली समिती नेमण्यात आली आहे. नागपूर जिल्ह्यासाठी निवासी उपजिल्हाधिकारी सुभाष चौधरी यांची समन्वय अधिकारी म्हणून नेमणूक करण्यात आली आहे.
सेमी फायनल जिंकण्यासाठी एकच गोष्ट करावी लागेल, कुलदीप यादवने सांगितला मास्टरस्ट्रोक…
उर्वरित नोंदीचाही होणार विचार
१३ ऑक्टोबर १९६७ पूर्वीच्या अभिलेखांची तपासणी केली जात आहे. तीन स्तरांवर तीन समित्यांच्या माध्यमातून अंमलबजावणी करण्यात आली. नागपूर जिल्ह्यातील बहुसंख्य कुणबीच असल्याचे जिल्हा प्रशासनाकडून सांगण्यात आले. त्यामुळे येथे फारशी शोधाशोध करण्याची गरजच पडली नाही. तपासणी जवळपास पूर्ण झाली असली तरी काही विभागातील अभिलेखांची बाकी असेल तर त्या नोंदीही यात समाविष्ट करण्यात येईल, असे जिल्हा प्रशासनाकडून सांगण्यात आले.
अखेर २० वर्षांची प्रतीक्षा संपली,टाटा समुहाचा नवा IPO येणार,भारतीयांसह विदेशी गुंतवणूकदारांमध्ये प्रचंड उत्साह
Read Latest Maharashtra News And Marathi News