शिंदे गटाने शिवसेना शाखा पाडली, शिवसैनिक आक्रमक, उद्धव ठाकरे मुंब्र्यात येणार, आव्हाडांची भूमिका निर्णायक
सुषमा अंधारे काय म्हणाल्या?

“आतापर्यंत दिवाळी पहाटनिमित्त आम्ही पंडीत बिस्मिल्ला साहेबांची सनई, पंडीत भीमसेन जोशी यांची भक्तीगीते किंवा पद्मजा फेणानी यांचा गोड गळा… हे सगळं ऐकत होतो. आज ठाण्यामध्ये उजाडलेली दिवाळी पहाट ही वंदनीय बाळासाहेब ठाकरे यांनाच काय, अवघ्या महाराष्ट्रालाही अपेक्षित नसेल” अशी टीका सुषमा अंधारे यांनी केली आहे.

गौतमी काय म्हणाली?

‘ठाण्यातला कार्यक्रम छान झाला. प्रेक्षक खूप भारी होते, मला कार्यक्रम करताना मजा आली. मला खूप छान वाटलं. मी नेहमी म्हणते की, मुंबईचे प्रेक्षक मला खूप आवडतात. मला नेहमी त्यांचं प्रेम मिळतं. सर्वजण पहाटे पाच-सहा वाजेच्यदरम्यान कार्यक्रमस्थळी पोहोचले. त्यामुळं छान वाटलं. सर्वांना दिवाळीच्या शुभेच्छा’, अशी प्रतिक्रिया गौतमी पाटीलने दिली.

दिवाळी पहाट कार्यक्रमांत काय गायचं कळलं नाही तर मी सरळ …वाचा काय म्हणतोय राहुल देशपांडे
ठाण्यात ‘दिवाळी पहाटे’चा उत्साह

दिवाळीच्या पहाटच्या निमित्ताने सहा वाजल्यापासूनच तरुणाईचे जत्थे मासुंदा तलाव आणि राम मारुती रोड परिसरात येत होते. याठिकाणी जांभळी नाका येथील चिंतामणी चौक सर्कल येथे शिवसेना शिंदे गटाच्या महिला जिल्हाप्रमुख मीनाक्षी शिंदे आयोजित कार्यक्रमात नृत्यांगना गौतमी पाटील हिने लावणी सादर करत तरुणाईला खिळवून ठेवले. तर राजवंत ज्वेलर्ससमोर शिंदे गटाच्या युवासेनेचे ठाणे लोकसभा अध्यक्ष नितीन लांडगे आयोजित ‘युवा जल्लोष दिवाळी पहाट’कार्यक्रमात अभिनेता सिद्धार्थ चांदेकर, अभिनेत्री रिंकू राजगुरू व अदा शर्मा यांनी हजेरी लावत तरुणाईचा उत्साह वाढवला. गडकरी रंगायतन चौकात ठाकरे गटाचे खासदार राजन विचारे आयोजित दिवाळी पहाट कार्यक्रमात व्यासपीठावर विविध कलाकार कला सादर करत होते. यासोबतच न्यू इंग्लिश शाळेजवळ, पु. ना. गाडगीळ ज्वेलर्स चौक व शिवाप्रसाद उपहारगृहाजवळ सांस्कृतिक उपक्रम आयोजित करण्यात आले होते. परिणामी वाहतूक शाखेने जाहीर केलेल्या अधिसूचनेनुसार परिसरात वाहतूक बदल करण्यात आले. या बदलांनुसार ठाणे स्थानकाकडे जाणारे प्रमुख रस्ते बंद असल्याने पर्यायी रस्त्यांवर प्रचंड कोंडी झाली. अनेक वाहने अर्धा तास एकाच भागात अडकून पडली होती.