चॉकलेटसाठी लागणारं रॉ मटेरियल हे मुंबई, गोव्यातून आणावं लागतं. या चॉकलेटसाठी महिन्याला किमान ३ लाख रुपये खर्च येतो. मी स्वतः क्रिएट करून चॉकलेट बनवले आहेत. सुरुवातीला मी सहा ते सात क्रिएट केलेले फ्लेवर्स होते. त्यापासून व्यवसाय सुरू केला. हायवेवर फॅक्टरी असल्यामुळे ये जा करणारे प्रवासी, पर्यटक, ग्राहक त्यांना हे चॉकलेट अतिशय आवडतं. त्यातूनच मला अधिक प्रोत्साहन मिळालं. त्यातूनच मी अनेक फ्लेवर्स क्रियेट करून १८ ते २० प्रकारचे चॉकलेट माझ्याकडे उपलब्ध आहेत. अत्याधुनिक मशीनच्या सहाय्याने सुद्धा १८ ते २० फ्लेवर्स तयार करून असे एकूण ३५ ते ४० फ्लेवर मी तयार करत आहे, असं त्यांनी सांगितलं.

प्रतिभेच्या दाही दिशा
चॉकलेटचा वापर वेगवेगळ्या प्रकारे केला जातो म्हणजे चॉकलेट मुख्यत: खाण्यासाठी वापरले जाते. त्या व्यतिरिक्त एखाद्याला भेटवस्तू म्हणून देखील चॉकलेट दिले जाते. किंवा एखाद्याच्या आनंदामध्ये सामील होण्यासाठी चॉकलेटचा वापर करतात. सण, समारंभ आणि उत्साहाच्या कार्यक्रमामध्ये तर चॉकलेटला खूप महत्त्वाचे स्थान दिले जाते. एखाद्या शुभ कार्याला सुरुवात करण्यापूर्वी चॉकलेट खाऊन अर्थात तोंड गोड करून त्या कार्याला सुरुवात केली जाते.

चॉकलेटला लागणारे रॉ मटेरियल आहे हे खूप बाजारामध्ये महाग मिळतं. त्यामुळे चॉकलेट व्यवसायाकडे कोणीही वळत नाही. मी हे पाऊल धाडसी आणि फॅमिलीच्या सपोर्टमुळे उचलू शकले. या चॉकलेट व्यवसायातून महिन्याकाठी ४ ते ५ लाख रुपये उत्पन्न मिळत आहे, असं त्यांनी सांगितलं.

चॉकलेटचा व्यवसाय करत असताना मात्र तांत्रिक अडचणींना सामोरे जावं लागतं. ज्या लोकेशनवर चॉकलेट फॅक्टरी मी उभी केली आहे. तिथे विद्युत पुरवठ्याचा मोठा प्रश्न निर्माण होतो. फॅक्टरीपर्यंत आलेला लाईट सप्लाय हा खूप दुरून आल्यामुळे हेवी मशीन एकाच वेळी ऑपरेट करता येत नाहीत. होल्टेजचा प्रॉब्लेम होत असल्यामुळे सध्या मी एकाच वेळी एकच मशीन ऑपरेट करते. त्यामुळे या विद्युत पुरवठ्याच्या समस्येमुळे माझ्या व्यवसायावर मोठा परिणाम होत आहे आणि त्यातून माझं प्रॉडक्शन कमी पडत आहे. या विद्युत पुरवठा अभावी मला माझं प्रॉडक्शन कमी करावं लागतं. त्यामुळे माझं फार मोठं नुकसान होत आहे. जर विद्युत पुरवठ्याचा प्रश्न मिटला तर आणखी मोठ्या प्रमाणावर मी भरारी घेऊ शकते, असं त्या म्हणाल्या.

ज्याची सायकल त्याची जबाबदारी