म. टा. प्रतिनिधी, पुणे : पदपथावर झोपण्याच्या वादातून एका ज्येष्ठ नागरिकाचा तीक्ष्ण शस्त्राने वार करून खून करण्यात आल्याची घटना खडकी बाजार परिसरात घडली. या प्रकरणी पोलिसांनी एकास अटक केली आहे.
काय घडलं?
काय घडलं?
मंगेश भागाजी भद्रिके (वय ७५, रा. खडकी रेल्वे स्थानकासमोर) असे खून झालेल्या ज्येष्ठ नागरिकाचे नाव आहे. या प्रकरणी विकास रामचंद्र गायकवाड (वय ५२, रा. खडकी बाजार) याला अटक करण्यात आली. पोलिस उपनिरीक्षक अण्णा गुंजाळ यांनी फिर्याद दिली. पोलिसांनी सांगितले, भद्रिके आणि गायकवाड खडकी बाजार परिसरात किरकोळ कामे करीत होते. दोघे जण खडकी रेल्वे स्थानकासमोर पदपथावर राहत होते. पदपथावर झोपण्याच्या जागेवरून दोघात वाद झाला होता. आरोपी गायकवाड दारू पिऊन आला. झोपेत असलेल्या भद्रिके यांच्यावर त्याने तीक्ष्ण शस्त्राने वार केले. गंभीर जखमी झालेल्या भद्रिके यांचा उपचारांपूर्वीच मृत्यू झाला. पसार झालेल्या गायकवाडला पोलिसांनी अटक केली. पोलिस निरीक्षक (गुन्हे) मानसिंग पाटील तपास करीत आहेत.
मी जातोय, शेवटचा गुडबाय! सोशल मीडियावर मेसेज करुन तरुणाची धक्कादायक एक्झिट, काय घडलं?