म. टा. प्रतिनिधी, नगर : मराठावाडा आणि नगरच्या दृष्टीने महत्त्वाच्या नगर-बीड-परळी रेल्वे मार्गाचे काम वेगाने सुरू आहे. आष्टीपर्यंतचे काम पूर्ण होऊन त्या मार्गावर रेल्वे सुरूही झाली. आता आष्टीपासून पुढचे काम प्रगतीपथावर असून, लवकरच नगर ते बीड मार्गाची चाचणी होऊन नवीन वर्षात या टप्यावर गाडी सुरू होण्याची चिन्हे आहेत.
प्रदीर्घ काळ रखडलेला रेल्वे प्रकल्प अशीही या मार्गाची ओळख आहे. मात्र, गेल्या काही वर्षांत यासाठी राज्य आणि केंद्र सरकारकडून पुरेसा निधी देण्यात येऊ लागल्याने कामे वेगाने झाली. नगर ते आष्टी या टप्प्यावर गाडीही सुरू झाली. अलीकडेच आग लागल्यामुळे ती गाडी सध्या बंद असली, तरी आता नवीन आर्थिक वर्षात आष्टी ते विघनवाडी (बीड) हा मार्ग पूर्ण होऊन त्यावरून गाडी धावण्याची चिन्हे आहेत.
प्रदीर्घ काळ रखडलेला रेल्वे प्रकल्प अशीही या मार्गाची ओळख आहे. मात्र, गेल्या काही वर्षांत यासाठी राज्य आणि केंद्र सरकारकडून पुरेसा निधी देण्यात येऊ लागल्याने कामे वेगाने झाली. नगर ते आष्टी या टप्प्यावर गाडीही सुरू झाली. अलीकडेच आग लागल्यामुळे ती गाडी सध्या बंद असली, तरी आता नवीन आर्थिक वर्षात आष्टी ते विघनवाडी (बीड) हा मार्ग पूर्ण होऊन त्यावरून गाडी धावण्याची चिन्हे आहेत.
अशी आहे स्थिती
मार्गाची एकूण लांबी : २६१.२५ किमी
काम पूर्ण होऊन गाडी धावली : ६६.१८ किमी
उरलेले काम : १९५.२५ किमी
कामाची एकूण प्रगती : ७८ टक्के
झालेले भूसंपादन :१८०३ हेक्टर (९९ टक्के)
प्रकल्पचा खर्च : ४८०५.१७ कोटी रुपये
आजपर्यंतचा खर्च : ३६९९ कोटी कोटी रुपये
पूर्ण झालेला विभाग
नगर ते आष्टी ६६.१८ किमी
पूर्णत्वाच्या जवळ टप्पा
आष्टी ते इगनवाडी ६६.१२ किमी
(या आर्थिक वर्षात गाडी सुरू होण्याची शक्यता.)
प्रगतीपथावरील टप्पा
इगनवाडी ते परळी (१२७.९५ किमी)
अशी झाली कामे
माती काम, भराव वगैरे : ९७.४० टक्के
मोठी पूल : ७७ टक्के (४९ पूल तयार)
छोटे पूल : ८३ टक्के (२५० पूल तयार)
रेल्वे रुळाचे काम : ४१ टक्के (११८ किमी)
फायदा काय?
या रेल्वे मार्गाचे काम पूर्ण झाल्यास नगर व मराठावाडा विभाग जोडला जाईल. पुढे पश्चिम महाराष्ट्रकडे जाण्यासाठीही जवळचा मार्ग उपलब्ध होईल. प्रवाशांची सोय होईल, तसेच शेती आणि उद्योगांनाही फायदा होईल. स्थानिक रोजगार निर्मिती होईल.