वाशिम: कारंजा तालुक्यातील मसला गावात दारू पिऊन सतत भांडण आणि पत्नीसह आई-वडिलांना मारहाण करून सतत त्रास देणाऱ्या ४५ वर्षीय मुलाचा बापानेच पहारीने वार करून खून केले आहे. ही घटना मंगळवारी (३१ ऑक्टोबर) रात्री घडली आहे. शरद आकाराम सोनोने असं खून झालेल्या ४५ वर्षीय मुलाचं नाव आहे. काहीच दिवसांपूर्वी याच कारणाने भांडण झाल्यामुळे पत्नी माहेरी निघून गेली होती. तर मृताची एक १७ वर्षांची मुलगीही आहे.
मंगळवारी सायंकाळच्या सुमारास दारू पिऊन आल्यावर त्याने वडिलांसोबत भांडण केलं, तेव्हा रागाच्या भरात बापाने त्याच्या डोक्यावर पहारीने वार केला यात शरदचा जागीच मृत्यू झाला.
मंगळवारी सायंकाळच्या सुमारास दारू पिऊन आल्यावर त्याने वडिलांसोबत भांडण केलं, तेव्हा रागाच्या भरात बापाने त्याच्या डोक्यावर पहारीने वार केला यात शरदचा जागीच मृत्यू झाला.
सॉरी.. आता मी नाही करु शकत, आई-वडिलांना पत्र लिहून इंजिनिअरींगच्या विद्यार्थ्याचं टोकाचं पाऊल
दारूमुळे पुन्हा एक कुटुंब उध्वस्त झाले आहे. या परिसरात मोठ्या प्रमाणात अवैध दारूची विक्री केली जाते. ती थांबविण्यासाठी महिलांनी वारंवार आंदोलन केले असून दारू विक्री मात्र बंद झाली नाही.
दरम्यान, मृतकाचे आजोबा हे स्वातंत्र्य सैनिक होते. त्यांचं निधन झालंय, तर ९० वर्षीय आजी अजून जिवंत असून तिला पेन्शन लागू आहे. ही पेन्शन मिळवण्यासाठी शरद आजीलाही त्रास देत होता, अशी माहिती गावकऱ्यांनी दिली आहे. घटनेची माहिती मिळताच धनज पोलिसांनी घटनास्थळी धाव घेत आरोपी बापाला अटक केली असून पुढील तपास सुरू आहे.
दोन महिन्यांच्या गर्भवतीने जीवन संपवलं, मग पतीनेही त्याच खोलीत जीव दिला, नेमकं काय घडलं?
Read Latest Maharashtra News And Marathi News