पुणे : मेट्रो पुण्यात आणि त्यासाठी बिहारच्या वर्तमानपत्रात कामगार भरतीच्या जाहिराती कशासाठी? असा खरमरीत प्रश्‍न उपस्थित करत पुणे मेट्रोमध्ये प्रथमत: स्थानिक भूमिपुत्रांना प्राधान्य द्या. पुण्यात तुम्हाला सर्व कामासाठी माणसे मिळतील. एखाद्या तांत्रिक क्षेत्रासाठी माणूस मिळेत नसेल तर इतरांना प्राधान्य द्या, अशी सूचना विधानपरिषदेचे विरोधी पक्षनेते अंबादास दानवे यांनी शुक्रवारी मेट्रो प्रशासनाला दिल्या.

सिव्हील कोर्ट मेट्रो स्टेशन येथील पुणे मेट्रोच्या कार्यालयाला दानवे यांनी भेट देऊन मेट्रोच्या कामाचा आढावा घेतला. यावेळी माजी आमदार चंद्रकांत मोकाटे, महादेव बाबर, माजी सहसंपर्कप्रमुख व नगरसेवक प्रशांत बधे, शिवसेनेचे शहराध्यक्ष संजय मोरे, गजानन थरकुडे, मेट्रोचे कार्यकारी संचालक हेमंत सोनवणे यासह पदाधिकारी उपस्थित होते. यावेळी मेट्रो प्रशासनाकडून सुरू असलेले मार्ग प्रस्तावित मार्ग, कामकाज अशी सर्व माहिती दिली. त्यानंतर दानवे यांनी सिव्हील कोर्ट स्थानकाची पाहणी केली.
पाकिस्तानचा रडीचा डाव, रिझवान मैदानात भांडायलाच लागला, व्हिडिओमध्ये पाहा नेमकं घडलं तरी काय…
दानवे म्हणाले, की पुण्याचा मेट्रो महत्वकांक्षी प्रकल्प असून, खर तर हा प्रकल्प खूप अगोदर होणे अपेक्षीत होते. मात्र, आज जे मेट्रो डोक्‍यावर घेऊन नाचतात, त्यांनीच या मेट्रोला विरोध केल्यामुळे मेट्रोला उशीर झाला. आता हीच लोक दोन किलोमीटर कामाच्या उद्‌घाटनाला पंतप्रधानांना बोलवतात, मेट्रो स्टेशनला नावे देताना, शिवाजीनगर, संभाजी उद्यान अशी एकेरी नावे न देता, पुण्याची अस्मिता, इतिहास आणि संस्कृती लक्षात घेऊन छत्रपती शिवाजीनगर अशी नावे द्यावी. याबाबत तत्काळ समिती तयार करून लोकांच्या भावनांचा विचार करून ही नावे द्यावी, अशा सूचनाही दानवे यांनी दिल्या. पुणे मेट्रोची ३० स्टेशन असताना केवळ सात स्टेशनवर पार्कींगची सोय आहे. पार्किंगची सोय नसल्यामुळे नागरिकांची गैरसोय होते. अपूर्ण कामे तातडीने पूर्ण करा. आवश्यकता भासल्यास सरकारकडे आम्ही पाठपुरवा करू, असे दानवे यांनी सांगितले.

सरकारला मराठ्यांची गरज नाही काय? शिर्डीत PM मोदींचं विमानही उतरू दिलं नसतं : मनोज जरांगे