कल्याण : भाजप कार्यकत्यांबाबत पोलीस दूजाभाव केला जात असल्याचं गाऱ्हाणं उपमुख्यमंत्री तथा गृहमंत्री देवेंद्र फडणवीस यांच्यासमोर भाजपचे कल्याण जिल्हाध्यक्ष नाना सूर्यवंशी यांनी मांडलं. फडणवीस आज कल्याण पूर्वेत आमदार गणपत गायकवाड यांची भेट घेण्यासाठी आले होते. यावेळी भाजप पदाधिकारी यांनी उपमुख्यमंत्र्यांची भेट घेतली.
शिंदे गटाचे माजी नगरसेवक दुर्योधन पाटील यांनी वैभव पाटील आणि पंकज पाटील यांच्यासह २२ ऑक्टोबर रोजी भाजप कार्यकर्ता मनोहर पाटील आणि त्याचा मित्र कमलाकर पाटील या दोघांना पिस्तूल काढून शिवीगाळ आणि दमदाटी करत मारहाण केल्याचा आरोप आहे. याबाबत खडकपाडा पोलिस स्थानकात गुन्हा दाखल केला आहे. मात्र आरोपी अद्याप मोकाट अआहेत तसेच त्यांना अटकही केली जात नसल्याने कल्याणमधील भाजपच्या नेतेमंडळी आणि पदाधिकारी यांनी उपमुख्यमंत्री यांची भेट घेतली आहे.
शिंदे गटाचे माजी नगरसेवक दुर्योधन पाटील यांनी वैभव पाटील आणि पंकज पाटील यांच्यासह २२ ऑक्टोबर रोजी भाजप कार्यकर्ता मनोहर पाटील आणि त्याचा मित्र कमलाकर पाटील या दोघांना पिस्तूल काढून शिवीगाळ आणि दमदाटी करत मारहाण केल्याचा आरोप आहे. याबाबत खडकपाडा पोलिस स्थानकात गुन्हा दाखल केला आहे. मात्र आरोपी अद्याप मोकाट अआहेत तसेच त्यांना अटकही केली जात नसल्याने कल्याणमधील भाजपच्या नेतेमंडळी आणि पदाधिकारी यांनी उपमुख्यमंत्री यांची भेट घेतली आहे.
काय आहे नक्की प्रकार?
२२ ऑक्टोबर रोजी सायंकाळी साडे चारच्या सुमारास कल्याण जवळील वडवली गावात मनोहर पाटील आणि त्याचा मित्र कामाची पाहणी करत होते. यावेळी वडवली गावातील दुर्योधन पाटील, वैभव पाटील, पंकज पाटील सदर ठिकाणी आले. त्या तिघांनी मनोहर आणि मित्र कमलाकर पाटील यांना शिवीगाळ केली आणि म्हणाले की “तुम्ही आमच्या गावात काम कसे करता ? तुम्हाला कोणी काम दिले? तुम्ही या ठिकाणी कसे काम करता? तुम्हाला मी दाखवतोच…” असे बोलुन त्याने थेट पिस्तुल काढून दमदाटी केल्याचा आरोप आहे.
यावेळी मनोहर याने समजाविण्याचा प्रयत्न केला. सदरचे काम हे फक्त रस्त्यापुरतेच आहे. आम्ही कोणतेही काम घेतलेले नाही, असे सांगत असताना कमलाकर पाटील यांनी देखील त्यांना समजविण्याचा प्रयत्न केला. मात्र वैभव व पंकज यांनी कमलाकर पाटील यास लाथाबुक्यांनी मारहाण केल. “तुम्ही कसे काम करता तेच आम्ही बघतो” अशी दमदाटीही केली.
ट्रिपल सीट असताना कारवाई केल्याचा आर्मी ऑफिसरला आला राग, थेट वाहतूक पोलिसाच्या डोक्यात घातला ब्लॉक
तसेच वैभव पाटील याने त्याच्याकडील तलवार काढून मनोहरच्या डोक्यात मारली. त्यामुळे त्याच्या डोक्यात जखम होवून रक्तस्त्राव होऊ लागला. त्याचवेळी दुर्योधन पाटील याने त्याच्या जवळील पिस्तुल उजव्या कानावर मारली. त्यावेळी पंकजने देखील मारहाण केल्याचा आरोप आहे. दरम्यान याप्रकरणी खडकपाडा पोलिस स्थानकात दुर्योधन पाटील, वैभव पाटील आणि पंकज पाटील यांच्यावर गुन्हा दाखल केला आहे.