म. टा. प्रतिनिधी, ठाणे: दसऱ्याच्या मुहूर्तावर गृह खरेदीला मिळालेल्या भरघोस प्रतिसादामुळे ठाणे शहरामध्ये सुमारे ३२०० हून अधिक घरांची विक्रमी विक्री झाली असून २२०० कोटींच्या व्यवहार एका दिवसात झाल्याची माहिती ठाणे एमसीएचआयचे अध्यक्ष जितेंद्र मेहता यांनी दिली. नागरिकांकडून एक कोटींपर्यंतच्या वन आणि टू-बीएचके घरांना सर्वाधिक प्रतिसाद मिळाला असून घोडबंदर परिसरात सर्वाधिक खरेदी व्यवहार झाल्याचा दावा मेहता यांनी केला आहे. त्यामुळे नागरिकांकडून यंदाच्या वर्षी गेल्या काही वर्षांमध्ये सर्वाधिक पसंती दिली जात असल्याचे समोर आले आहे. विशेष म्हणजे, गतवर्षीच्या तुलनेत यंदा २० टक्क्यांहून अधिक व्यवहार झाल्याची माहिती ठाण्यातील बांधकाम व्यवसायिकांच्या संघटनेकडून देण्यात आली आहे.
एका रात्रीत झाला कोट्यधीश; जुन्या सामानात मिळालं ६० वर्षांपूर्वीचं पासबुक अन् मग…
ठाणे शहरामध्ये प्रचंड वेगाने गृहप्रकल्पांची कामे सुरू असून अनेक टोलेजंग इमारती उभारल्या जात आहे. शहरामध्ये ७० ते ७५ हून अधिक उंचीच्या टॉवर्स दाखल होत असून बहुमजली इमारतींच्या गृहसंकुलांचेही प्रमाण वाढले आहे. घोडबंदर भागामधील चांगल्या सुविधांमुळे नागरिकांकडून या भागात घरे खरेदीला सर्वाधिक प्रतिसाद दिला जात आहे. यंदा गृहखरेदी वाढण्यासाठी बांधकाम व्यवसायिकांकडून आकर्षक ऑफर्सची घोषणा नागरिकांसाठी केली होती. ज्यामध्ये शून्य स्टॅम्प ड्युटीच्या ऑफर्सचा समावेश होता. याशिवाय पुढील काही वर्षांमध्ये ठाणे शहरातील पूर्ण होणाऱ्या प्रकल्पांचीही जाहिरात बांधकाम व्यवसायिकांकडून केल्या होत्या.
एका रात्रीत झाला कोट्यधीश; जुन्या सामानात मिळालं ६० वर्षांपूर्वीचं पासबुक अन् मग…ठाणे शहरामध्ये प्रचंड वेगाने गृहप्रकल्पांची कामे सुरू असून अनेक टोलेजंग इमारती उभारल्या जात आहे. शहरामध्ये ७० ते ७५ हून अधिक उंचीच्या टॉवर्स दाखल होत असून बहुमजली इमारतींच्या गृहसंकुलांचेही प्रमाण वाढले आहे. घोडबंदर भागामधील चांगल्या सुविधांमुळे नागरिकांकडून या भागात घरे खरेदीला सर्वाधिक प्रतिसाद दिला जात आहे. यंदा गृहखरेदी वाढण्यासाठी बांधकाम व्यवसायिकांकडून आकर्षक ऑफर्सची घोषणा नागरिकांसाठी केली होती. ज्यामध्ये शून्य स्टॅम्प ड्युटीच्या ऑफर्सचा समावेश होता. याशिवाय पुढील काही वर्षांमध्ये ठाणे शहरातील पूर्ण होणाऱ्या प्रकल्पांचीही जाहिरात बांधकाम व्यवसायिकांकडून केल्या होत्या.
घोडबंदर बरोबरच शिळफाटा परिसरातही दाखल होणाऱ्या गृहप्रकल्पांनी जास्तीत जास्त खरेदीदारांना आकर्षित करण्याचा प्रयत्न केला. नवी मुंबई, ठाणे, कल्याण डोंबिवली शहरांच्या मध्यावर्ती असलेल्या या भागातही अनेक बड्या बांधकाम व्यवसायिकांनी गृहप्रकल्प सुरू असून त्यांच्यामध्येही मोठी बुकिंग झाली. मुंबईच्या पश्चिम उपनगराकडे जाण्यासाठी सोयीच्या ठरणाऱ्या घोडबंदर भागामध्येही मोठी गृहविक्री झाली असून सुखसोयींनी युक्त, निसर्ग संपन्न परिसराचीही भुरळ गृहखरेदीदारांना पडल्याचे बांधकाम व्यवसायिकांचे म्हणणे आहे.
मल्टिपल स्विमिंग पूल, किड्स प्ले एरिया, जिम्नॅशियम, मिनी थिएटर, गार्डन क्लब हाऊस, पोडियम पार्किंग, लार्ज ओपन स्पेस, टेरेस पोडियम अॅमिनिटीच्याही आकर्षण गृहखरेदी करण्यासाठी येणाऱ्यांना होते. त्यामुळे यंदाच्या वर्षी गेल्या दोन ते तीन वर्षांच्या तुलनेत सर्वाधिक गृह खरेदी झाल्याचा दावा एमसीएचआयकडून करण्यात आला आहे.
गरबा खेळता-खेळता खाली बसला अन् तिथेच कोसळला, मैदानात तरुणाला हार्ट अटॅक
Read Latest Maharashtra News And Marathi News