जरांगे पाटील यांनी दिलेल्या मुदतीबाबत पवारांना छेडले असता ते म्हणाले, जरांगे यांनी त्यांची भूमिका मांडली आहे. याबाबत मुख्यमंत्री एकनाथ शिंदे यांनी पत्रकार परिषद घेऊन आवाहन केले आहे. राज्याचे प्रमुख या नात्याने त्यांनी या पत्रकार परिषदेतून भूमिका स्पष्ट केली आहे, असे पवार म्हणाले. आरक्षणाचा प्रश्न सध्या एरणीवर आहे. आरक्षणाचा मुद्दा घेऊन अनेक युवक आपला जीव गमवताना दिसत आहे. आरक्षणावरून कोणीही आपला जीव गमावू नये, असे आवाहन उपमुख्यमंत्री अजित पवार यांनी केले आहे. याबाबत बोलताना ते म्हणाले की, एवढ्या सुंदर जगात आपण जन्माला आलो आहोत ते जीव द्यायला नाही. अनेक प्रसंग येतात मात्र स्वतःचा जीव देणे हा त्यातला मार्ग नाही. तुम्ही वाघासारखे जीवन जगलं पाहिजे, असा सल्ला अजित पवारांनी युवकांना दिला.