गडचिरोली : सरकारी अधिकारी होण्याचा स्वप्न उराशी बाळगून एमपीएससी परीक्षेसाठी विद्यार्थी अनेक वर्ष मेहनत घेतात. यात अनेकांना अपयश पदरी पडतं, तर काहींना यश मिळतं. मात्र, जिद्द आणि चिकाटी असेल तर कोणीही आपल्याला आपल्या ध्येयापासून रोखू शकत नाही. असंच काही आदिवासीबहुल आणि नक्षलग्रस्त गडचिरोली जिल्ह्यातील एका तरुणाने देखील मेहनतीच्या जोरावर प्रामाणिक कष्ट केले आणि घवघवीत यश संपादन केलं आहे. महाराष्ट्र लोकसेवा आयोगामार्फत पशुधन विकास अधिकारी या घेण्यात आलेल्या २०२२च्या मुख्य परीक्षेचा निकाल २० ऑक्टोबर २०२३ रोजी जाहीर करण्यात आला आहे. यात गडचिरोली जिल्ह्यातील अहेरी येथील डॉ. चेतन अलोने याला घवघवीत यश मिळालं आहे. तो पाचव्या रँकमध्ये उत्तीर्ण झाला आहे.
डॉ. चेतन अलोने याचे प्राथमिक शिक्षण कै. मद्दीवार प्राथमिक शाळेतून तर माध्यमिक शिक्षण राजे धर्मराव कृषी विद्यालय अहेरी येथे पूर्ण झाले. वडील सरकारी नोकरीवर असल्यामुळे मुलांच्या शिक्षणासाठी त्यांनी पुढाकार घेतला. पुढे उच्च माध्यमिक शिक्षणासाठी चेतन अलोने यांनी चंद्रपूर गाठले. जनता विद्यालयातून त्यांनी अकरावी आणि बारावीचे शिक्षण पूर्ण केले. त्यानंतर त्यांनी नीट परीक्षेत चांगले गुण मिळवत नागपूर येथील पशुवैद्यकीय महाविद्यालय येथे प्रवेश मिळविला. २०१८ मध्ये बिएस्सी पदवी मिळवली आणि २०२० मध्ये त्यांनी एमएस्सी मास्टर पूर्ण केले. शिक्षण सुरू असतानाच त्यांना प्रख्यात अशा “प्रीमियम चिक फीड” कंपनीकडून चांगल्या पॅकेजची ऑफर मिळाली आणि त्यांनी ते स्विकारली.
डॉ. चेतन अलोने याचे प्राथमिक शिक्षण कै. मद्दीवार प्राथमिक शाळेतून तर माध्यमिक शिक्षण राजे धर्मराव कृषी विद्यालय अहेरी येथे पूर्ण झाले. वडील सरकारी नोकरीवर असल्यामुळे मुलांच्या शिक्षणासाठी त्यांनी पुढाकार घेतला. पुढे उच्च माध्यमिक शिक्षणासाठी चेतन अलोने यांनी चंद्रपूर गाठले. जनता विद्यालयातून त्यांनी अकरावी आणि बारावीचे शिक्षण पूर्ण केले. त्यानंतर त्यांनी नीट परीक्षेत चांगले गुण मिळवत नागपूर येथील पशुवैद्यकीय महाविद्यालय येथे प्रवेश मिळविला. २०१८ मध्ये बिएस्सी पदवी मिळवली आणि २०२० मध्ये त्यांनी एमएस्सी मास्टर पूर्ण केले. शिक्षण सुरू असतानाच त्यांना प्रख्यात अशा “प्रीमियम चिक फीड” कंपनीकडून चांगल्या पॅकेजची ऑफर मिळाली आणि त्यांनी ते स्विकारली.
अफगाणिस्तानने सोडवलेला पेपर, रोहितसेनेचा गृहपाठ पूर्ण; न्यूझीलंड संघाला पराभूत करण्याचा ढासू प्लॅन
डॉ. चेतन अलोने सध्या पश्चिम बंगाल येथील “वेंटेरिनरी” क्षेत्रातील भारतातील प्रख्यात अशा “प्रीमियम चिक फीड” कंपनीत कार्यरत असून त्यांना गलेलठ्ठ पॅकेज सुद्धा आहे. मात्र, यात ते समाधानी नव्हते. सरकारी नोकरी मिळविणे हाच त्यांचा उद्देश होता. त्यांनी खाजगी कंपनीत नोकरी करता-करता एमपीएससी परीक्षेची तयारी सुरू केली. २०२१ मध्ये देखील त्यांनी लेखी परीक्षा आणि मुलाखत दिली होती. मात्र, त्यांची निवड होऊ शकली नाही. या दरम्यान त्यांच्या काही मित्रांनी सुद्धा त्यांची साथ सोडली होती.
आई-वडिलांचा आशीर्वाद आणि त्यांचं प्रोत्साहन अखेर त्यांच्या कामी आले. त्यांनी २२ डिसेंबर २०२२ मध्ये परीक्षा दिली. ५ सप्टेंबर २०२३ रोजी मुलाखत झाली आणि त्याचा निकाल काल २० ऑक्टोबर रोजी जाहीर झाला. याची माहिती मिळताच अहेरीत आनंदाचे वातावरण पसरले. तर सर्व स्तरावरून शुभेच्छांचा वर्षाव होत आहे. गडचिरोली सारख्या नक्षलग्रस्त भागात शिक्षण घेऊन एमपीएससी परीक्षेत घवघवीत यश मिळवून चेतन यांनी पशुधन विकास अधिकारी या पदाला गवसणी घातली आहे. ही अभिमानास्पद बाब आहे.
सुरुवातीपासूनच आपण सरकारी नोकरी मिळवायची ही जिद्द होती. त्या अनुषंगाने विविध प्रयत्न सुरूच होते. मात्र, यश आले नाही. त्यामुळे एमपीएससी परीक्षेची तयारी केली अखेर त्यात यश मिळालं. अनेकांना अनेकदा अपयशाला समोर जावं लागतं. मात्र, खचून न जाता जिद्द आणि चिकाटीने परत-परत प्रयत्न केल्यास एक दिवस नक्कीच यश मिळणार आहे, असं डॉ. चेतन अलोने यावेळी म्हणाले.
न्यूझीलंड विरुद्धचा एक विजय आणि भारताला मिळणार सेमीफायनलचे तिकीट! जाणून घ्या काय आहे समीकरण