इंदापूर: पुणे जिल्ह्यातील इंदापूर तालुक्यातील हगारेवाडी येथील अश्‍विनी सागर म्हस्के (वय २८) आणि सानवी सागर म्हस्के (वय ४) या मायलेकींचा मृतदेह घरामध्ये एँगलला गळफास घेवून लटकलेल्या अवस्थेमध्ये आढळल्याची घटना घडली आहे. याप्रकरणी पोलिसांनी अश्‍विनीला आत्महत्येस प्रवृत्त केल्याप्रकरणी पती, दीर आणि सासू यांच्यावर गुन्हा दाखल करण्यात आला आहे.
याप्रकरणी पोलिसांनी पती सागर तात्याराम म्हस्के, दीर शेखर तात्याराम म्हस्के आणि सासू सिताबाई तात्याराम म्हस्के यांच्यावर आत्महत्सेस प्रवृत्त केल्याप्रकरणी गुन्हा दाखल केला आहे. पोलिसांनी दिलेल्या माहितीनुसार आज शुक्रवार (तारीख २० ऑक्टोबर) रोजी एकच्या सुमारास अश्‍विनी आणि सानवी या दोघींचे मृतदेह घरातील लोखंडी एँगलला लटकलेले आढळून आले.
याप्रकरणी पोलिसांनी पती सागर तात्याराम म्हस्के, दीर शेखर तात्याराम म्हस्के आणि सासू सिताबाई तात्याराम म्हस्के यांच्यावर आत्महत्सेस प्रवृत्त केल्याप्रकरणी गुन्हा दाखल केला आहे. पोलिसांनी दिलेल्या माहितीनुसार आज शुक्रवार (तारीख २० ऑक्टोबर) रोजी एकच्या सुमारास अश्‍विनी आणि सानवी या दोघींचे मृतदेह घरातील लोखंडी एँगलला लटकलेले आढळून आले.
पोलिसांना घटनेची माहिती मिळाल्यानंतर वालचंदनगर पोलिस ठाण्याचे सहायक पोलिस निरीक्षक विक्रम साळुंखे, उप पोलिस निरीक्षक मिलिंद मिठ्ठापल्ली, विजय टिळकेकर, विनोद पवार, प्रमोद तापसे यांनी तात्काळ घटनास्थळी धाव घेतली. दोघींचे मृतदेह शवविच्छेदनासाठी इंदापूरमध्ये पाठविण्यात आले आहेत.
अश्‍विनी हिचे माहेर निमगाव केतकी असून माहेरकडील माणसे तातडीने घटनास्थळी आली होती. दोषींना अटक केल्याशिवाय मृतदेह ताब्यात घेणार नसल्याचा पवित्रा घेतल्याने तणावाचा वातावरण निर्माण झाले होते. याप्रकरणी, तात्यासाहेब आण्णा भोंग यांनी वालचंदनगर पोलिस ठाण्यात फिर्याद दिली आहे. या घटनेमध्ये अश्‍विनी हिने गळफास घेवून आत्महत्या केल्याची घटना घडली. तर चार वर्षांच्या मुलीचा मृत्यू झाला असून आकस्मात मृत्यूची नोंद करण्यात आली आहे. सध्या या प्रकरणाचा तपास सुरु आहे.
जग संपणार आहे की एलियन्स अटॅक; अचानक आकाश गुलाबी झाल्याने लोकांमध्ये घबराट
Read Latest Maharashtra News And Marathi News