सोलापूर: सोलापूर शहरातील एमआयडीसी पोलिस ठाण्याच्या हद्दीत पोलिसांनी संशयित चोरट्यांवर फायरिंग केल्याची घटना घडली. एमआयडीसी परिसरात असलेल्या अविनाश नगर येथील कोंड्याल शाळेजवळील सराफी दुकान फोडण्यासाठी चोरटे आले होते, अशी पोलिसांनी माहिती दिली. नाईट राऊंडसाठी पेट्रोलिंग करताना पोलिसांना संशय आल्याने त्यांना हटकताच संशयित चोरट्यांनी कार घेऊन पळ काढण्याचा प्रयत्न केला त्यावेळी पोलिसांनी चोरट्यांवर फायरींग केली.
या फायरिंगमध्ये चोरट्यांच्या कारचे टायर फुटले असून फायरींग झाल्यानंतर अंधाराचा फायदा घेत चोरटे त्यांच्याकडील पिस्टल, घरफोडीचे साहित्य, कार सोडून पसार झाले. ही घटना शुक्रवारी मध्यरात्री दीडच्या सुमारास घडली. याबाबत एमआयडीसी पोलिस ठाण्यात गुन्हा दाखल करण्यात आला आहे.
या फायरिंगमध्ये चोरट्यांच्या कारचे टायर फुटले असून फायरींग झाल्यानंतर अंधाराचा फायदा घेत चोरटे त्यांच्याकडील पिस्टल, घरफोडीचे साहित्य, कार सोडून पसार झाले. ही घटना शुक्रवारी मध्यरात्री दीडच्या सुमारास घडली. याबाबत एमआयडीसी पोलिस ठाण्यात गुन्हा दाखल करण्यात आला आहे.
पोलिसांना गुप्त खबर:
एमआयडीसी हद्दीत असलेल्या निलम नगर येथील बालाजी ज्वेलर्स हे सराफी दुकान ११ ऑक्टोबर रोजी फोडून चोरट्यांनी चोरी केली होती. हा गुन्हा करणाऱ्या चोरट्यांनी सोलापुरातील एक कार चोरी केली होती. चोरलेली कार अविनाश नगरजवळील कोंड्याल शाळेजवळील निर्मनुष्य ठिकाणी लावली आहे, आणि त्या कारमधून आणखी एक सराफी दुकान फोडणार आहे. शुक्रवारी रात्री चोरटे येणार असल्याची माहिती एमआयडीसी पोलिसांना खबऱ्याने दिली होती. त्यावरुन एमआयडीसी पोलिसांनी शुक्रवारी (दि. १३) रात्री कोंड्याल शाळेजवळ अर्धवट असलेल्या बांधकामाजवळ तिन्ही बाजूंनी सापळा लावला होता.
पोलिसांकडून फायरिंग:
शनिवारी पहाटेच्या सुमारास कोंडयाल शाळेजवळ असलेल्या बांधकामाजवळ उभ्या केलेल्या कारच्या दिशेने एका मोटारसायकलवरून तिघे संशयित आले आणि कारजवळ मोटारसायकल लावून थांबले. त्याचवेळी दबा धरून बसलेल्या एमआयडीसी पोलिसांनी मोटारसायकलवरील लोकांना थांबण्याचा इशारा केला. परंतु, दुचाकीवरील दोघांनी मोटारसायकल वेगात पुढे नेली आणि पोलिस शिपाई अर्जुन यांना कट मारून ते दुचाकीवरून विनायक नगरच्या दिशेने पळून गेले. तर तिसरा संशयित हा कारमध्ये बसून कार चालू करून पळून जाऊ लागला, त्यावेळी पोलीस उपनिरीक्षक विक्रम रजपूत यांनी त्यास ओरडून थांबण्याचा इशारा केला. परंतु, तो थांबत नसल्याने पोलास उपनिरीक्षक रजपूत यांनी त्यांच्या शासकीय पिस्तुलातून कारच्या दिशेने दोन राऊंड फायर केले. पोलिसांनी फायरींग केलेली एक गोळी कारच्या मागच्या चाकामध्ये लागल्यामुळे कारचा टायर फुटला आणि ही कार काटेरी झुडूपात गेली. संशयित चोरटा हा अंधाराचा फायदा घेत पळून गेला.
तीन लाखांचा मुद्देमाल जप्त:
एमआयडीसी पोलिसांनी वरिष्ठ पोलीस अधिकाऱ्यांना या घटनेबाबत माहिती दिली. पोलिसांनी कारची तपासणी केली असता कारमध्ये एक गावठी पिस्टल, स्क्रू ड्रायव्हर, कटावणी, पक्कड असे साहित्य मिळून आले. या कारवाईत पोलिसांनी कारसह ३ लाख ५०० रुपयांचा मुद्देमाल जप्त केला आहे. याबाबत एमआयडीसी पोलिस ठाण्यात गुन्हा दाखल करण्यात आला आहे. ही कामगिरी पोलिस उपनिरीक्षक विक्रम रजपूत, हवालदार राकेश पाटील, नाना उबाळे, दिपक डोके, सचिन भांगे, पोलिस नाईक मंगेश गायकवाड, सुहास अर्जुन, शंकर याळगी, काशिनाथ वाघे, दिपक नारायणकर, शैलेश स्वामी, अमोल यादव, आमसिध्द निंबाळ, देविदास कदम, भारतसिंग तुक्कुवाले यांनी केली.
Read Latest Solapur News And Marathi News