कानातून रक्त येईपर्यंत चिमुकलीला मारहाण; शिक्षकाविरोधात गुन्हा दाखल, नेमकं काय घडलं?

स्थानिक गुन्हे अन्वेषण विभागाचे एक पथक आज शनिवार दि. १४ ऑक्टोबर रोजी शहरात ऑलआऊट ऑपरेशन राबवत होते. यावेळी पथकातील सहाय्यक निरीक्षक सिकंदर वर्धन, पंकज पवार, हेडकॉन्स्टेबल दरिबा बंडगर, विक्रम खोत यांना १०० फुटी रोडवरील व्हाईट हाऊस जवळ संशयित दोघेजण मोटारसायकलवर पांढरे पोते घेऊन उभारलेले दिसले. त्यांच्यावर संशय आल्याने कसून चौकशी करत तपासणी केली असता पोत्यामध्ये स्पोर्ट शूज आढळले. या शूज बाबत कसून चौकशी केली असता त्यांनी सांगितले की, संशयित आणि त्यांचे मित्र शाम अलौकी, विजय खुटाळे (दोघे रा. कळंबा ता. करवीर) यांच्या मदतीने दुकानात चोरी केली होती.

सदरची चोरी त्यांचा मित्र दुकान मालक आकाश सूर्यवंशी याने दुकान तोट्यात चालले असल्याने इन्शुरन्स कंपनीकडून पैसे मिळवण्यासाठी केल्याचे सांगितले. यावेळी सूर्यवंशी यांच्याकडे चौकशी केली असता त्यानेही सदरची कबुली दिली. यावेळी त्याच्याकडून २२ हजार ६७६ रुपयांचे स्पोर्ट शूज आणि मोटारसायकल असा ७२ हजारांचा मुद्देमाल जप्त केला. सदरची कारवाई पोलीस निरीक्षक सतीश शिंदे यांच्या मार्गदर्शनाखाली सहाय्यक निरीक्षक सिकंदर वर्धन, पंकज पवार, उपनिरीक्षक कुमार पाटील, हेडकॉन्स्टेबल दरिबा बंडगर, विक्रम खोत, बिरोबा नरळे, अमर नरळे यांनी केली.

Read Latest Sangli News And Marathi News