म.टा. प्रतिनिधी, नागपूर : जिल्ह्यातील सावनेर पोलीस ठाण्यांतर्गत येणाऱ्या पाटणसावंगी येथे हृदयद्रावक घटना उघडकीस आली आहे. येथील पाटणसावंगी आदासा बायपास येथील महेंद्र धार्मिक यांच्या घराच्या मागे रात्रीच्या अंधारात नवजात जिवंत अर्भकाला काही अज्ञात व्यक्तींनी फेकून पळ काढल्याची घटना घडली आहे.
पोलिसांकडून मिळालेली माहितीनुसार, पाटणसावंगी आदासा बायपासवर असलेल्या महेंद्र धार्मिक यांच्या घराच्या निर्जन कोपऱ्यातून मंगळवारी सकाळी फिरायला निघालेल्या काही महिलांना नवजात अर्भकाच्या रडण्याचा आवाज आला. तेथे गेल्यावर त्यांना एक नवजात बाळ कपड्यांशिवाय जमिनीवर रडताना दिसले. तत्काळ याविषयी पाटणसावंगी पोलीसांना याची महिती देण्यात आली.
पोलिसांकडून मिळालेली माहितीनुसार, पाटणसावंगी आदासा बायपासवर असलेल्या महेंद्र धार्मिक यांच्या घराच्या निर्जन कोपऱ्यातून मंगळवारी सकाळी फिरायला निघालेल्या काही महिलांना नवजात अर्भकाच्या रडण्याचा आवाज आला. तेथे गेल्यावर त्यांना एक नवजात बाळ कपड्यांशिवाय जमिनीवर रडताना दिसले. तत्काळ याविषयी पाटणसावंगी पोलीसांना याची महिती देण्यात आली.
सदर घटनेची माहिती मिळताच एपीआय शिवाजी नागवे त्यांचे सहकारी अंकुश मुळे, माणिक शेरे, अशोक निस्ताने आदींसह घटनास्थळी पोहोचले आणि घटनास्थळाचा पंचनामा केल्यानंतर हितज्योती फाऊंडेशनचे हितेश बनसोड यांच्या मदतीने घटनास्थळाचा पंचनामा केला. नवजात अर्भकाला प्राथमिक आरोग्य केंद्र पाटणसावंगी येथे आणून त्याची तपासणी केली. अशक्त असल्याने नवजात अर्भकाला नागपूरच्या मेयो रुग्णालयात उपचारासाठी दाखल करण्यात आले आहे. या नवजात अर्भकाचा जन्म प्रेमातून किंवा अनैतिक संबंधातून झाला असल्याने रात्रीच्या अंधारात त्याला निर्दयीपणे सोडून दिले. अशी चर्चा परिसरात सुरू होती.
पाकिस्तानविरुद्ध भारताचा वर्ल्ड रेकॉर्ड; ODI इतिहासातील सर्वात सनसनाटी विजय, आजवर कोणाची अशी इज्जत गेली नाहीमात्र त्याचवेळी सावनेर पोलीस ठाण्याचे एसएचओ रवींद्र मानकर यांच्या मार्गदर्शनाखाली एपीआय शिवाजी नागवे व त्यांच्या पथकाने परिसरातील सीसीटीव्ही कॅमेरे तपासले असता एक महिला नवजात अर्भकाला घेऊन जाताना दिसली. महिलेने प्रथम नवजात बाळाला वाळूच्या ढिगाऱ्यात पुरण्याचा प्रयत्न केला. मात्र यश न आल्याने बाळाला महेंद्र धार्मिक यांच्या घराच्या भिंतीजवळ सोडून घटनास्थळावरून पळ काढला.
लोकसभेसाठी इंडिया आघाडीचा पंतप्रधानपदाचा चेहरा कोण? शरद पवारांनी सांगितली १९७७ ची आठवण, म्हणाले लोकांना बदल…
याबाबत पोलिसांना विचारणा केली असता त्यांनी सांगितले की, ही महिला १७ वर्षांची अल्पवयीन असताना तिच्यावर अतिप्रसंग करण्यात आला होता. त्यात तिने बाळाला जन्म दिला. या प्रकरणी काही आरोपींविरुद्ध विविध कलमान्वये गुन्हा दाखल करून त्यांना ताब्यात घेण्यात आले.या प्रकरणी पोलिसांनी आरोपी आई आणि तिच्या वडिलांविरुद्ध भारतीय दंड संहितेच्या कलम ३१७ नुसार गुन्हा दाखल केला आहे.