ठाणे : ‘कोकण पदवीधर निवडणूक आपण लढवली पाहिजे, पदवीधर मतदारसंघाच्या भाजप आमदारांनी आमच्या कामात आडकाठी केली आहे, आपल्याला सापत्न वागणूक दिली आहे’, असा सूर शिवसेनेच्या ठाण्यात झालेल्या बैठकीत पदाधिकाऱ्यांनी मंगळवारी आळवला. त्यामुळे तब्बल २५ वर्षांहून अधिक काळ या मतदारसंघावर एकहाती पकड असलेल्या भाजपसमोर सेनेचेच आव्हान उभे राहण्याची चिन्हे दिसत आहेत. तर, राज्यात सत्तेत एकत्र असलेल्या सेना-भाजपच्या पदाधिकाऱ्यांची मुख्यमंत्री एकनाथ शिंदे यांचा बालेकिल्ला म्हणून ओळखल्या जाणाऱ्या ठाण्यातच कोकण पदवीधर निवडणुकीच्या जागेवरून जुंपण्याची शक्यता आहे.
पदवीधर उमेदवारांची नोंदणी करण्याची मुदत डिसेंबरमध्ये संपणार आहे. त्यामुळे या निवडणुकीत मतदार असलेल्या पदवीधरांची जास्तीत जास्त नोंदणी करण्याच्या दृष्टीने ठाण्यातील टेंभीनाका येथील आनंदाश्रमात पूर्वतयारीसाठी शिवसेनेची बैठक आयोजित करण्यात आली होती. ‘कोकण पदवीधर मतदारसंघाचे सध्याचे भाजप आमदार अॅड. निरंजन डावखरे यांनी त्यांच्या कार्यकाळात शिवसेनेच्या लोकप्रतिनिधी व पदाधिकाऱ्यांना चुकीची वागणूक दिली आहे. ते ठाणे भाजप जिल्हाध्यक्ष असताना सेना-भाजपमध्ये खटके उडाले होते. त्यामुळे आता ही निवडणूक शिवसेनेने लढवली पाहिजे’, अशी मागणी शिंदे गटातील काही माजी लोकप्रतिनिधींनी केली.
पदवीधर उमेदवारांची नोंदणी करण्याची मुदत डिसेंबरमध्ये संपणार आहे. त्यामुळे या निवडणुकीत मतदार असलेल्या पदवीधरांची जास्तीत जास्त नोंदणी करण्याच्या दृष्टीने ठाण्यातील टेंभीनाका येथील आनंदाश्रमात पूर्वतयारीसाठी शिवसेनेची बैठक आयोजित करण्यात आली होती. ‘कोकण पदवीधर मतदारसंघाचे सध्याचे भाजप आमदार अॅड. निरंजन डावखरे यांनी त्यांच्या कार्यकाळात शिवसेनेच्या लोकप्रतिनिधी व पदाधिकाऱ्यांना चुकीची वागणूक दिली आहे. ते ठाणे भाजप जिल्हाध्यक्ष असताना सेना-भाजपमध्ये खटके उडाले होते. त्यामुळे आता ही निवडणूक शिवसेनेने लढवली पाहिजे’, अशी मागणी शिंदे गटातील काही माजी लोकप्रतिनिधींनी केली.
दरम्यान, ‘कार्यकर्त्यांची ही भावना मुख्यमंत्री शिंदे यांच्यापर्यंत पोहोचवली जाईल, अंतिम निर्णय तेच घेतील’, असे बैठकीतील वरिष्ठ नेत्यांनी कार्यकर्त्यांना सांगितले. ‘डाव’ खरे ठरतील का? निरंजन डावखरे यांचे वडील राष्ट्रवादीचे नेते आणि विधान परिषदेचे माजी सभापती स्व. वसंत डावखरे यांचे सर्व पक्षांसोबत सलोख्याचे संबंध होते. ‘अजातशत्रू’ अशी ओळख त्यांना राजकीय जीवनात नेहमीच कामी आली. त्यामुळे त्यांच्याप्रमाणेच निरंजन हे येत्या कोकण पदवीधर निवडणुकीत उमेदवारी कायम ठेवण्यात यशस्वी होऊन आपले ‘डाव’ खरे ठरवतात का, हे पाहणे औत्सुक्याचे ठरणार आहे.