नाशिक : योग्य वाट दाखवणारा मित्र जर आयुष्यात लाभला तर माणूस यशस्वी शिखर घाठतो याचा ज्वलंत उदाहरण म्हणजे नाशिक जिल्ह्यातील हे पाच मित्र. नाशिक जिल्ह्यातील विविध भागातून एकत्र आलेल्या आकाश दिपक बोढारे, अनिल भिमराव बत्तीशे, राहुल नानासाहेब पवार, राकेश कैलास निकम आणि शुभम नंदकुमार निकम या मित्रांनी मैत्री काय असते आणि काय करू शकते, हे दाखवून दिले आहे. या पाचही मित्रांनी नाशिकमधील एका अभ्यासिकेत दिवस रात्र एक करून अभ्यास करून एकमेकांना मार्गदर्शन करून आज महाराष्ट्र लोकसेवा आयोगाच्या परीक्षेतून घवघवीत यश संपादन केले आहे.
आकाश दिपक बोढारे हा चांदवड तालुक्यातील शिंदे भयाळे येथील असून त्याचे माध्यमिक शिक्षण शिंदे येथीलच जनता विद्यालयात झाले आहे. तर महाविद्यालयीन शिक्षण हे नाशिकच्या केटीएचएम महाविद्यालयातून झाले आहे. आकाश याने २०१८ पासून स्पर्धा परीक्षांची तयारीची सुरुवात केली. या दरम्यान त्याने अनेक परीक्षा दिल्या, ज्यात तो पूर्व परीक्षा तर कधी मेन्स उत्तीर्ण होत असे, परंतु काही ना काही कारणास्तव यश पदरात पडत नसायचे.
आकाश दिपक बोढारे हा चांदवड तालुक्यातील शिंदे भयाळे येथील असून त्याचे माध्यमिक शिक्षण शिंदे येथीलच जनता विद्यालयात झाले आहे. तर महाविद्यालयीन शिक्षण हे नाशिकच्या केटीएचएम महाविद्यालयातून झाले आहे. आकाश याने २०१८ पासून स्पर्धा परीक्षांची तयारीची सुरुवात केली. या दरम्यान त्याने अनेक परीक्षा दिल्या, ज्यात तो पूर्व परीक्षा तर कधी मेन्स उत्तीर्ण होत असे, परंतु काही ना काही कारणास्तव यश पदरात पडत नसायचे.
दुसरा मित्र मंत्रालय क्लर्क किंवा PSI होणार
मात्र यंदा झालेल्या महाराष्ट्र लोकसेवा आयोगाच्या परीक्षेत घवघवीत यश मिळवले आहे. आकाशची राज्य कर निरीक्षक आणि मंत्रालय क्लर्क अशा दोन जागांवर त्याची निवड झाल्याने सर्वच स्तरावर त्याचे कौतुक होत आहे. तसेच अनिल भिमराव बत्तीशे हा देखील आकाश बोढारेच्या गावचाच असून अनिलने देखील त्याचे माध्यमिक शिक्षण शिंदे येथीलच जनता विद्यालयात पूर्ण केले आहे. पदवीचे शिक्षण हे नाशिकच्या केटीएचएम महाविद्यालयातून झाले आहे. अनिल आणि आकाश या दोघांनी सोबतच अभ्यासाला सुरवात केली. विशेष म्हणजे अनिलने देखील दोन परीक्षा उत्तीर्ण केल्या असून आता तो पोलीस उपनिरीक्षक किंवा मंत्रालय क्लर्क या दोन पोस्टपैकी एकाची निवड करणार आहे.
तिसऱ्या मित्राची मंत्रालयात निवड
या पाच मित्रांपैकी तिसरा राहुल नानासाहेब पवार हा नाशिक जिल्ह्यातील निफाड तालुक्यातील करंजगाव येथील आहे. राहुलचे प्राथमिक शिक्षण प्राथमिक शिक्षण जिल्हा परिषद शाळा करंजगाव येथे झाले असून माध्यमिक शिक्षण जनता विद्यालय करंजगाव येथून पूर्ण केले आहे. तर महाविद्यालयीन शिक्षण सायखेडा येथील के. के. वाघ येथून पूर्ण केले आहे. राहुलने अभ्यासाची सुरवात दोन वर्षांपूर्वी केली होती. सातत्य, जिद्द आणि मेहनतीच्या जोरावर राहुलने देखील दोन परीक्षांमध्ये घवघवीत यश मिळवले आहे. महाराष्ट्र लोकसेवा आयोग आयोगाच्या परीक्षेत सलग दोन वर्षे २०२१ आणि २०२२ मध्ये मंत्रालय मुंबई येथे निवड झाली आहे. राहुलच्या कुटुंबीय आणि ग्रामस्थांकडून खूप कौतुक होत आहे.
विरोधी पक्षातील प्रमुख नेते निवडून येऊ नयेत यासाठी महिला आरक्षण बिल तातडीने आणलं, संजय राऊत यांचा सनसनाटी आरोप
चौथा आणि पाचवा मित्र क्लर्क किंवा कर सहाय्यक, एकाची निवड करणार
तसेच राकेश कैलास निकम आणि शुभम नंदकुमार निकम हे दोन मित्र दिंडोरी तालुक्यातील मोहाडी गावातील रहिवासी आहे. या दोघांचे शिक्षण के.आर.टी हायस्कूल आणि ज्युनिअर कॉलेज मोहाडी येथे झाले असून ओझर येथील मराठा विद्या प्रसारक समाज कला, विज्ञान आणि वाणिज्य महाविद्यालयात पदवीचे शिक्षण पूर्ण केले आहे. यातील राकेशने देखील दोन पदांची परीक्षा उत्तीर्ण झाला असून मुंबई मंत्रालयात क्लर्क आणि कर सहाय्यक पदासाठी त्याची निवड झाली आहे. तर शुभम नंदकुमार निकम महाराष्ट्र लोकसेवा आयोगाच्या परीक्षेत मंत्रालय क्लर्क म्हणून निवड झाली आहे .या पाचही जनाची मैत्री एक आदर्श मैत्री ठरली असून यांच्यावर सर्वच स्तरातून निर्णय कौतुकाच वर्षाव होत आहे.