म. टा. वृत्तसेवा, नवी मुंबई : पनवेल तालुका पोलिसांनी आपल्या हद्दीतील दोन लेडीज बारवर कारवाई करून ग्राहकांना आकर्षित करण्यासाठी अश्लील हावभाव करणाऱ्या ३४ महिला तसेच २३ बार चालक, मॅनेजर वेटर व ग्राहक अशा ५७ व्यक्तींना ताब्यात घेतले.
सातारा-पुणे मार्गावर भीषण अपघातात तरुण-तरुणी ठार; घाटात वाहनांचा चक्काजाम, वाहतूक वळवली!
यावेळी येथील महिला वेटर ग्राहकांसमोर अश्लील हावभाव करत असल्याचे तसेच बारमधील वेटर व मॅनेजर त्यांना प्रोत्साहन देत असल्याचे आढळले. त्यानंतर शुक्रवारी मध्यरात्री पावणे बारा वाजता कोन गाव येथील एका बारवर छापा मारला. दोन्ही ठिकाणाहून महिला वेटर, मॅनेजर, कर्मचारी, ग्राहक अशा ५७ जणांना ताब्यात घेतले.
दरम्यान, दोन्ही कारवायांमध्ये ताब्यात घेलेल्या महिला वेटर व कर्मचाऱ्यांवर महाराष्ट्र हॉटेल, उपहारगृहे आणि मद्यपान कक्ष यामधील अश्लील नृत्यावर प्रतिबंध तसेच महिलांचे प्रतिष्ठेचे संरक्षण अधिनियम यानुसार गुन्हे दाखल करण्यात आले आहेत.