दरवर्षीच या प्रदर्शनात अगरबत्तीपासून एखादी आकर्षक कलाकृती ग्राहकांसाठी सादर केली जाते. विविध रंगांतील आणि आकारांच्या अगरबत्त्यांपासूनच या कलाकृती तयार केल्या जातात. यंदा या प्रदर्शनात तयार करण्यात आलेला बाप्पा साकारण्यासाठी पावणेदोन लाख आगरबत्त्यांचा वापर करण्यात आला. या अगरबत्त्यांची पावडर करून त्यातून काड्या बाजूला काढत त्या पावडरीपासून बाप्पाची प्रतिमा तयार करण्यात आली आहे. पर्यावरणपूरक उत्सवाचा संदेश समाजाला देण्यासाठीच अशाप्रकारे रसायनविरहित उत्सवाचा पुरस्कार केला जात असल्याचे यावेळी आयोजकांनी सांगितले. हजारो ग्राहकांनी या उत्सवात रसायनविरहित अगरबत्ती खरेदीवर भर दिला.