आवटे यांचे कुटुंब शेतकरी असल्याने त्यांचे कुटुंब देखील त्यांना यामध्ये तेवढीच साथ देते. या कुटुंबाकडून बैलांची मुलांप्रमाणे सेवा केली जाते. दत्तात्रय आवटे यांचे बैलांवर असलेले प्रेम हे त्या परिसरात सर्वांनाच माहीत आहे. महाळूंगे पडवळ हे गाव हुतात्मा बाबू गेणू यांचे हे गाव आहे. त्यामुळे या गावाला ऐतिहासिक परंपरा देखील तेवढीच आहे. मात्र आवटे कुटुंबीयांनी जपलेली ही परंपरा आणि बैलावर असलेले प्रेम त्यांची ७५ वर्षांपासून होणारी सेवा ही खरचं कौतुकास्पद अशीच आहे.