मिळालेल्या माहितीनुसार, खासदार नवनीत राणा आणि आमदार रवी राणा यांनी काल अमरावती येथे सर्वात मोठी दहीहंडी आयोजित केली त्यानंतर आज दुपारच्या सुमारास ते दर्यापूर येथील कावड यात्रे सहभागी झाले होते. आज सायंकाळी अंजनगाव सुर्जी तालुक्यात त्यांनी दहीहंडी स्पर्धेचे आयोजन केले होते. युवा स्वाभिमान पक्षाच्या वतीने आयोजित या दहीहंडी स्पर्धेत आमदार रवी राणा, खासदार नवनीत राणा, अभिनेत्री अमिषा पटेल, चंकी पांडे यांच्यासह अनेक महत्त्वाचे पदाधिकारी उपस्थित होते.
अंजनगाव सुर्जी शहरातील छत्रपती शिवाजी महाराज पुतळा जागेची पाहणी करत असताना त्या ठिकाणी काही आठ ते दहा हल्लेखोरांनी आमदार राणा यांच्यावर चाकू हल्ला करण्याचा प्रयत्न केल्याची माहिती राणांचे माध्यम समन्वयक अजय बोबडे यांनी जाहीर केली. अजय बोबडे यांनी हल्लेखोर हे ठाकरे गटाचे शिवसैनिक असल्याचा दावा केला आहे. रवी राणा यात थोडक्यात बचावले असून त्यांना सध्या कुठलीही इजा झालेली नाही.
या संदर्भात घटनेचे प्रत्यक्षदर्शी स्वाभिमानचे कार्यकर्ते शुभम उंबरकर यांनी जागेची पाहणी करत असताना ठाकरे गटाच्या आठ ते दहा कार्यकर्त्यांनी अचानक आमदार रवी राणांवर हल्ला करण्याचा प्रयत्न केल्याचा दावा केला. रवी राणा या हल्ल्यात ते वाचले असून युवा स्वाभिमान पार्टीच्या कार्यकर्त्यांकडून तक्रार देण्याची प्रक्रिया सुरू आहे. या संदर्भात झालेल्या वादंगामुळे शिवसेनेच्या काही कार्यकर्त्यांना पोलिसांनी उचलल्याची माहिती सुद्धा समोर आली आहे.
एक वादा राहुल दादा… दमदार कमबॅक करत K L Rahul चा शतकासह विक्रम, बीसीसीआयने कौतुक करत…
याबाबतीत शिवसेनेचे जिल्हाप्रमुख सुनील खराटे म्हणाले की, दहीहंडी कार्यक्रमादरम्यान आमदार रवी राणा यांनी उद्धव ठाकरे यांच्यावर टीका केल्याने कार्यकर्त्यांनी त्यांना हटकले. त्यावेळी महेंद्र दिपटे नामक कार्यकर्त्यांवर स्वाभिमानीच्या कार्यकर्त्यांनी हल्ला केला. त्यामुळे आता आम्ही घटनेचा प्रत्यक्ष आढावा घेण्याकरिता घटनास्थळी जात आहोत त्यानंतर नेमके काय घडले याबाबत तेव्हा स्पष्टता येईल.
जितेंद्र आव्हाड-धनुभाऊंची दोस्ती दुश्मनीत कशी बदलली? त्याचीच ही गोष्ट…!