लिफ्ट आठव्या मजल्यावर पोहोचली, मोठा आवाज झाला अन् अनर्थ घडला; आजींचा करुण अंत, काय घडलं?

या दुर्घटनेत महेंद्र चौपाल (३२), रुपेशकुमार दास (२१), हारून शेख (४७), मिथलेश (३५), कारिदास (३८) या कामगारांचा मृत्यू झाला असून एका मृत कामगाराची ओळख पटलेली नाही. तर, सुनीलकुमार दास (२१) हा कामगार जखमी झाल्याची माहिती आपत्ती व्यवस्थापन कक्षाने दिली. ही दुर्घटनाग्रस्त लिफ्ट सागर एलिव्हेटर कंपनीची असून लिफ्टमध्ये नेमका कोणता तांत्रिक बिघाड झाला, याबाबत अधिक तपास सुरू आहे.

स्फोटासारखा प्रचंड आवाज

ही लिफ्ट खाली कोसळली तेव्हा आजुबाजूच्या परिसरात प्रचंड मोठा आवाज ऐकायला मिळाला. रुणवाल आयरीन इमारतीच्या बाजूलाच असणाऱ्या बिल्डिंगमधील एका व्यक्तीने याबाबत माहिती दिली. त्याने म्हटले की, हा अपघात ६ नंबरच्या इमारतीमध्ये घडला. मी त्यावेळी ७ नंबरच्या इमारतीमध्ये होतो. मला कमी तीव्रतेचा बॉम्ब फुटल्याप्रमाणे मोठा आवाज ऐकायला आला. थोडावेळ मला काय झाले हेच समजले नाही. मात्र, काहीवेळाने सर्व्हिस लिफ्ट कोसळून कामगारांचा मृत्यू झाल्याचे स्पष्ट झाले, असे संबंधित व्यक्तीने सांगितले.

Lift Collapses in Mumbai: कमला मिलमधील ट्रेड वर्ल्ड इमारतीमध्ये लिफ्ट कोसळली, अपघातात १५ जण जखमी

दोन दिवसांपूर्वीच लिफ्टची दुरुस्ती, बोगस प्रमाणपत्र

या सगळ्या घटनेनंतर ठाणे महानगरपालिकेतील माजी नगरसेवक संजय भोईर यांनी माहिती देताना सांगितले की, जी लिफ्ट खाली कोसळली ती दोन दिवसांपूर्वीच दुरुस्त करण्यात आली होती. त्यानंतर लिफ्ट व्यवस्थित असल्याचे खोटे प्रमाणपत्र देण्यात आले. या प्रकाराची चौकशी झाली पाहिजे, अशी मागणीही त्यांनी केली.