या प्रकरणी एका ४९ वर्षीय महिलेने लोणीकंद पोलिस ठाण्यात तक्रार दिली आहे. त्यावरून अज्ञात व्यक्तीवर गुन्हा दाखल करण्यात आला आहे. ही घरफोडी आठ सप्टेंबरला दुपारी चार ते सायंकाळी सात या तीन तासांच्या वेळेत झाली.
पोलिसांनी दिलेल्या माहितीनुसार, तक्रारदार महिला वाघोली परिसरातील संभाजीनगर येथे राहतात. त्यांची मुलगी प्रसूतीसाठी वाघोलीला आली होती. मुलीला वाघोलीतील रुग्णालयात भरती केले होते. आठ सप्टेंबरच्या दिवशीच मुलीची प्रसूती झाल्याने तक्रारदार महिला आणि इतर कुटुंबीय रुग्णालयात गेले होते. त्या वेळी त्यांचे घर बंद होते. त्या सायंकाळी सात वाजता घरी परतल्यानंतर घरफोडी झाल्याचे समोर आले. त्यांच्या घराचा कडी-कोयंडा तोडून चोरट्याने बेडरूममधील कपाटातील ३५ हजार रुपये रोख, दोन लाख २७ हजार २५० रुपये किमतीचे सोन्याचे दागिने आणि आठ हजार ७५० रुपयांचे चांदीचे दागिने चोरून नेले.
दागिने न मिळाल्याने सिलिंडर, टीव्हीची चोरी
घरफोडी केल्यानंतर मौल्यवान दागिने आणि रोख रक्कम चोरण्यावर चोरट्यांचा भर असतो. मात्र, हडपसर पोलिस ठाण्याच्या हद्दीत फुरसुंगी येथे घरफोडी केल्यानंतर चोरट्यांना मौल्यवान ऐवज न मिळाल्याने त्यांनी घरातील सिलिंडर, टीव्ही, चार प्रवासी बॅगा, म्युझिक सिस्टीम आदी वस्तू चोरल्या. या प्रकरणी मूळचे मध्य प्रदेशातील असलेल्या एका ४३ वर्षीय व्यक्तीने हडपसर पोलिस ठाण्यात तक्रार दिली आहे. त्यावरून गुन्हा दाखल केला आहे. तक्रारदार बाहेरगावी असल्याने त्यांचा फ्लॅट सहा महिने बंद होता. ते परतल्यानंतर घरफोडीचा प्रकार समोर आला.
हातात सोन्याचे दागिने अन् छतावर तरुण निपचित पडलेला; घरमालकाची किंकाळी, संपूर्ण गावात खळबळ