राष्ट्रवादी काँग्रेस पक्षाच्या फुटी नंतर राष्ट्रवादी काँग्रेसची मुहूर्तमेढ रोवलेल्या कोल्हापुरात २५ ऑगस्ट रोजी राष्ट्रवादीचे सर्वेसर्वा शरद पवार यांनी निर्धार सभा घेतली. विशेष म्हणजे या सभेचे अध्यक्षस्थानी श्रीमंत शाहू महाराज छत्रपती यांना विराजमान केलं आणि पुरोगामी विचारांचा हा पक्ष आहे आणि हे विचार आम्ही जपणारच असे म्हणत शरद पवारांनी मंत्री मुश्रीफांसह फुटीर नेत्यांवर निशाणा साधत सभा गाजवली होती. आता त्या सभेला उत्तर देण्यासाठी राज्याचे उपमुख्यमंत्री अजित पवार हे आज रविवार दि. १० सप्टेंबर रोजी कोल्हापुरातील तपोवन मैदानावर उत्तरदायित्व सभा घेत आहेत. यासाठी वैद्यकीय शिक्षण मंत्री हसन मुश्रीफ यांनी जोरदार तयारी केली असून संपूर्ण शहरात फ्लेक्स आणि बॅनर लावत मोठे शक्ती प्रदर्शन केलं आहे. तसेच तपोवन मैदानात भला मोठा मंडप उभा करण्यात आला असून तब्बल पन्नास ते साठ हजार लोक बसतील अशी व्यवस्था करण्यात आली आहे. आज चारच्या सुमारास उपमुख्यमंत्री अजित पवार हे कोल्हापुरात दाखल होणार असून राष्ट्रवादी काँग्रेस अजित पवार गटाकडून त्यांचा जंगी स्वागत करण्यात येणार आहे सोबतच रॅलीचे देखील आयोजन करण्यात आले आहे.

शरद पवार यांच्या टीकेला उत्तर मिळणार ?

दसरा चौकात झालेल्या जाहीर सभेत शरद पवार यांनी मंत्री मुश्रीफ यांच्यावर झालेल्या ईडी कारवाईचा संदर्भात टीका करत ईडी च्या नोटिसीनंतर त्याला सामोरे जाण्याऐवजी मुश्रीफांनी भूमिका बदलली. घरच्या महिलांनी धाडस दाखवले पण घरचे प्रमुख दाखवू शकले नाही. त्यांनी भाजपच्या सत्तेचा आसरा घेतला आणि राष्ट्रवादीतून फुटलेल्या अजित पवार गटाची साथ देत वेगळा रस्ता धरला असे म्हणत टीका केली होती. तर जितेंद्र आव्हाड यांनी देखील हसन मुश्रीफ यांना टार्गेट करत जोरदार टीका केली होती. हसन मुश्रीफ आणि जितेंद्र आव्हाड यांच्यामधील वाद हा कोल्हापुरी पायताना पर्यंत गेला होता मात्र मुश्रीफ यांनी शरद पवार यांच्या टीकेला उत्तर देणे टाळले होते. मात्र, आता या उत्तरदायित्व सभेच्या निमित्ताने मंत्री मुश्रीफ यांच्यासह फुटीर नेत्यांवर झालेल्या टीकेला या सभेतून उपमुख्यमंत्री अजित पवार उत्तर देतात का? याकडे राजकीय वर्तुळाचे लक्ष लागले आहे.
Aditya L1 Update : ISRO कडून आदित्य एल १ मिशन बाबत अपडेट, सूर्याच्या दिशेनं आणखी एक पाऊल

१ लाखाहून अधिक लोक उपस्थित राहण्याचा दावा

कोल्हापुरातील तपोवन मैदानावर आज सायंकाळी चार वाजता सुरू होणाऱ्या या सभेला जिल्ह्यातील कागल, चंदगड, राधानगरी, गडहिंग्लज, आजरा, शिरोळ ,इचलकरंजी, हातकणंगले यासह सर्वच तालुक्यातून पदाधिकारी, कार्यकर्ते जमणार असून सुमारे एक लाखाहून अधिक लोक अजित पवारांच्या उत्तरदायित्व सभेसाठी जमतील असा दावा राज्याचे वैद्यकीय शिक्षण आणि विशेष सहाय्य मंत्री हसन मुश्रीफ यांनी केला आहे.
रोहित शर्माने संघ जाहीर करताना दिला मोठा धक्का, पाकविरुद्धच्या सामन्यात ईशान आणि राहुल दोघेही खेळणार
या सभेच्या निमित्ताने अजित पवार यांचा नागरी सत्कार ही होणार असून या सभेला राष्ट्रवादी काँग्रेस पार्टीचे राष्ट्रीय कार्याध्यक्ष प्रफुल पटेल, अन्न व नागरी पुरवठा मंत्री छगन भुजबळ, सहकार मंत्री दिलीप वळसे-पाटील, कृषिमंत्री धनंजय मुंडे, महिला व बालकल्याण मंत्री आदिती तटकरे, मदत व पुनर्वसन मंत्री अनिल पाटील, औषध व प्रशासन मंत्री धर्मराव आत्राम, क्रीडा व युवक कल्याण मंत्री संजय बनसोडे, राष्ट्रवादी काँग्रेसच्या महिला प्रदेशाध्यक्ष रुपाली चाकणकर या प्रमुखांसह राज्यभरातील राष्ट्रवादीचे प्रमुख पदाधिकारी उपस्थित राहणार आहेत.

उद्धव ठाकरेंना विजयाची खात्री असलेल्या लोकसभा मतदारसंघातच धक्का, बड्या नेत्याचं राजीनामास्त्र, कारण…