म. टा. प्रतिनिधी, नाशिक : अवघ्या महिनाभरापूर्वी टोमॅटोला चढलेली लाली बाजारातील आवक वाढल्याने पूर्णत: उतरली आहे. एकिकडे दुष्काळजन्य परिस्थितीचा चटका शेतकऱ्यांना बसत असून, जेथे पिण्यासाठीही पुरेसे पाणी नाही, तेथे शेतकऱ्यांनी टँकरने पाणी आणून मोठ्या कष्टाने जगविलेल्या या पिकास दोन दिवसांपासून मातीमोल भाव मिळत आहे. महिन्यापूर्वी वीस किलोंच्या क्रेटला चार हजार रुपयांचा उच्चांकी दर मिळाला होता. ते आता शंभर ते दीडशे रुपयांवर आले आहेत. उत्पादन खर्चही निघत नसल्याने हा टोमॅटो रस्त्यावर फेकून देण्याची नामुष्की शेतकऱ्यांवर ओढवली आहे. बुधवारी टोमॅटोला सरासरी १११ रुपये प्रतिक्रेट भाव मिळाला.
अडीच महिन्यांपूर्वी टोमॅटोच्या घसरलेल्या दरामुळे हे पीक मातीमोल झाले होते. नंतरच्या टप्प्यात मात्र तब्बल ३ ते ४ हजार रुपये प्रतिक्रेटपर्यंत भाव गेले. महिनाभरासाठी टोमॅटो उत्पादकांसाठी हा कालावधी सुगीचा होता. ऑगस्टच्या पहिल्या आठवड्यात जिल्ह्यातील टोमॅटोची प्रमुख बाजारपेठ असणाऱ्या पिंपळगाव बसवंत, लासलगाव आणि नाशिक बाजार समितीमध्ये १५ ते २० हजार क्रेट आवक झाली होती. या कालावधीत टोमॅटोला प्रतिक्रेट सरासरी २ हजार ते २२०० रुपये भाव मिळाला होता. ऑगस्टच्या पहिल्या तीन आठवड्यांत हे दर टिकून राहिले. ऑगस्टअखेर बाजारात टोमॅटोची आवक मोठ्या प्रमाणावर वाढू लागली. सप्टेंबरमध्ये एकट्या पिंपळगांव बाजार समितीत प्रतिदिन सुमारे सव्वादोन लाख क्रेट आवक होत आहे. लासलगाव बाजार समितीत २५ हजार क्रेट प्रतिदिन आणि नाशिक बाजार समितीत १० हजार क्रेट प्रतिदिन यानुसार टोमॅटोसाठी या तीन मुख्य बाजार समित्यांमिळून दिवसाकाठी २ लाख ६० हजार क्रेट टोमॅटोची आवक सुरू आहे.
अडीच महिन्यांपूर्वी टोमॅटोच्या घसरलेल्या दरामुळे हे पीक मातीमोल झाले होते. नंतरच्या टप्प्यात मात्र तब्बल ३ ते ४ हजार रुपये प्रतिक्रेटपर्यंत भाव गेले. महिनाभरासाठी टोमॅटो उत्पादकांसाठी हा कालावधी सुगीचा होता. ऑगस्टच्या पहिल्या आठवड्यात जिल्ह्यातील टोमॅटोची प्रमुख बाजारपेठ असणाऱ्या पिंपळगाव बसवंत, लासलगाव आणि नाशिक बाजार समितीमध्ये १५ ते २० हजार क्रेट आवक झाली होती. या कालावधीत टोमॅटोला प्रतिक्रेट सरासरी २ हजार ते २२०० रुपये भाव मिळाला होता. ऑगस्टच्या पहिल्या तीन आठवड्यांत हे दर टिकून राहिले. ऑगस्टअखेर बाजारात टोमॅटोची आवक मोठ्या प्रमाणावर वाढू लागली. सप्टेंबरमध्ये एकट्या पिंपळगांव बाजार समितीत प्रतिदिन सुमारे सव्वादोन लाख क्रेट आवक होत आहे. लासलगाव बाजार समितीत २५ हजार क्रेट प्रतिदिन आणि नाशिक बाजार समितीत १० हजार क्रेट प्रतिदिन यानुसार टोमॅटोसाठी या तीन मुख्य बाजार समित्यांमिळून दिवसाकाठी २ लाख ६० हजार क्रेट टोमॅटोची आवक सुरू आहे.
टँकरने पाणी देऊन जगविले पीक
मंगळवारी पिंपळगाव बाजार समितीत टोमॅटोस प्रतिक्रेट सरासरी १०० ते १७० रुपयांदरम्यान भाव मिळाला. महिनाभरापासून जिल्ह्यात पाऊस झालेला नाही. अशा स्थितीत शेतकऱ्यांनी टँकरने पाणी देऊन पीक जगविले. टोमॅटोची भाववाढ होण्याअगोदरची ही लागवड असल्याने सप्टेंबरमध्ये टोमॅटोला उच्चांकी नसले, तरी मध्यम दर मिळणे शेतकऱ्यांना अपेक्षित होते. मात्र, गेल्या महिन्याच्या तुलनेत दरांत १२ ते १५ पटींनी घसरण झाली आहे. बांग्लादेशकडून होणारी टोमॅटो खरेदीही घटली आहे. दुसरीकडे स्थानिक बाजारात आवक वेगाने वाढली आहे. परिणामी, दर उतरले आहेत. बुधवारी पिंपळगाव बाजार समितीमध्ये टोमॅटोस प्रतिक्रेट सरासरी १११ रुपये भाव मिळाल्याने शेतकऱ्यांमध्ये नाराजी होती.
महागाईची विघ्नछाया! ऐन सणासुदीत डाळी, तांदळासह साखरेच्या दरात मोठी वाढ; अशा आहेत किंमती
बाजारात टोमॅटोस चांगले दर मिळण्याअगोदर लागवड केलेले पीक आता फळाला आले आहे. जलस्रोत आटले असताना कृत्रिमरित्या पाणी देऊन आम्ही टोमॅटो जगविले. पण आता १०० रुपये प्रतिक्रेटपर्यंत भाव घसरल्याने हतबल झालो आहे.- संतोष गायकवाड, शेतकरी