यासंदर्भात गौतमी पाटीलने आपली प्रतिक्रिया दिली आहे. ती म्हणाली की, कालच मी माझे वडील धुळ्यात एका रुग्णालयात ऍडमिट असल्याची बातमी पाहिली. त्यानंतर मी माझ्या मावशीला या संदर्भात सांगितले की वडिलांची तब्येत आता कशी आहे. त्यांना पुढील उपचारासाठी पुण्याला घेऊन ये. वडिलांनी जरी आयुष्यभर आमच्यासाठी काहीही केले नसले तरी मात्र माणुसकीच्या नात्याने माझ्याकडून जेवढे शक्य होईल तेवढे मी नक्कीच करेन. पुढील उपचार त्यांचे मी पुण्यालाच करीन. तसेच धुळ्याच्या माजी महापौर जयश्रीताई अहिरराव यांनी देखील गौतमी पाटीलच्या वडिलांची त्यांच्या वतीने जेवढी काळजी घेता येईल तेव्हढी काळजी घेऊन एक मदतीचा हात दिल्याने गौतमी पाटीलने माजी महापौर जयश्रीताई अहिरराव यांचे देखील आभार मानले आहेत.