पुणे: शिक्षणचे माहेर घर म्हणवणाऱ्या पुणे शहरात नेमके चाललय तरी काय?असा सातत्याने प्रश्न उपस्थित होत असतो.दिवसेंदिवस वाढत असलेल्या गुन्हेगारीचा प्रभावाचा परिणाम आता लहान मुलांवर ही दिसून येत आहे. सध्या प्रत्येक गुन्ह्यामध्ये एका अल्पवयीन मुलाचा सहभाग आपल्याला नकीच पाहायला मिळत असतो.मात्र पुण्यातल्या वानवडी भागात १५ ते १७ वयोगटच्या पाच मुलांनी एका २५ वर्षीय तरुणाचा दगडाने ठेचून खून केल्याची धक्कादायक घटना समोर आली आहे. ही घटना शनिवारी पहाटे एक वाजताच्या सुमारास काळेपडळ संत शिरोमणी नरहरी महाराज मंदिराच्या बाजूला रस्त्यावर घडली आहे.

महादेव रघुनाथ मोरे, ( वय २५, रा. काळेपडळ) असे खून झालेल्या तरुणाचे नाव आहे. पोलिसांनी दिलेल्या माहितीनुसार, शुक्रवारी रात्री मयत महादेव मोरे हा वानवडी परिसरातील ढेरे कंपनी जवळ डोंगरावर दारू पीत बसला होता. संबंधित ठिकाणी तो एकटाच असल्याची माहिती आरोपी मुलांना मिळाली होती.त्यानुसार १५ वर्षाची तीन ,१६ वर्षाचा एक आणि १७ वर्षाचा एक अशा पाच मुलांनी सदर ठिकाणी डोंगरावर जाऊन बेसावध असलेल्या महादेव मोरे याच्या डोक्यात दगडाने मारून त्याचा निर्घृण खून केला.

याप्रकरणी पोलिसांनी पाच अल्पवयीन मुलांना ताब्यात घेतल आहे. दरम्यान नेमका हा खून कोणत्या कारणातून करण्यात आला हे मात्र समजू शकले नाही, परंतु जुन्या वादातून हा खून झाला असल्याचा अंदाज वर्तवला जात आहे. याचा पुढील तपास वानवडी पोलीस करत आहे.

दरोडेखोर रिक्षातून पळाले, पोलिसांनी पाठलाग करून मुसक्या आवळल्या