पुणे : पुणे लोकसभा मतदारसंघात स्वर्गीय खासदार गिरीश बापट यांच्या निधनानंतर भाजपचे नेतृत्व कोण करणार? यावरून गेल्या अनेक दिवसांपासून चर्चा सुरू आहे. माजी महापौर मुरलीधर मोहोळ, माजी आमदार जगदीश मुळीक, माजी राज्यसभा खासदार संजय काकडे, याचबरोबर गिरीश बापट यांच्या सूनबाई स्वरदा बापट यांची नावं पुणे लोकसभा मतदारसंघाच्या उमेदवारीसाठी चर्चेत आहेत. मात्र, आता या नावांच्या व्यतिरिक्त देखील एक नाव पुणे लोकसभा मतदारसंघातून निवडणूक लढवण्यासाठी तयारी करत असून यावर भाजपचं राष्ट्रीय नेतृत्व गांभीर्याने विचार करत असल्याची माहिती आहे.
राष्ट्रीय स्वयंसेवक संघाचे माजी प्रचारक व भाजपचे माजी राष्ट्रीय सचिव सुनील देवधर हे पुणे लोकसभा मतदारसंघातून निवडणूक लढवण्यास इच्छुक असल्याची माहिती आहे. सुनील देवधर यांच्याबद्दल भाजपचे राष्ट्रीय नेतृत्व देखील गांभीर्याने विचार करत आहे. पुणे लोकसभा मतदारसंघात खासदार असलेले गिरीश बापट यांचे निधन झाल्यानंतर ही जागा रिक्त आहे. मात्र या जागेवर आता पोट निवडणूक होण्याची शक्यता कमी आहे. दुसरीकडे आत्तापासूनच २०२४ लोकसभा निवडणुकीच्या तयारीला लागलेल्या भारतीय जनता पक्षाने पुण्यामध्ये देखील तगडा उमेदवार शोधण्यास सुरुवात केली आहे.
राष्ट्रीय स्वयंसेवक संघाचे माजी प्रचारक व भाजपचे माजी राष्ट्रीय सचिव सुनील देवधर हे पुणे लोकसभा मतदारसंघातून निवडणूक लढवण्यास इच्छुक असल्याची माहिती आहे. सुनील देवधर यांच्याबद्दल भाजपचे राष्ट्रीय नेतृत्व देखील गांभीर्याने विचार करत आहे. पुणे लोकसभा मतदारसंघात खासदार असलेले गिरीश बापट यांचे निधन झाल्यानंतर ही जागा रिक्त आहे. मात्र या जागेवर आता पोट निवडणूक होण्याची शक्यता कमी आहे. दुसरीकडे आत्तापासूनच २०२४ लोकसभा निवडणुकीच्या तयारीला लागलेल्या भारतीय जनता पक्षाने पुण्यामध्ये देखील तगडा उमेदवार शोधण्यास सुरुवात केली आहे.
कसब्याचा १० कोटींचा निधी रद्द करून पर्वतीला बक्षीस, धंगेकर चिडले, दादांविरोधात आक्रमक पवित्रा, दिसतील तिथे…
आमदार मुक्ता टिळक यांच्या निधनानंतर कसबा पेठ विधानसभा मतदार संघात झालेल्या पोटनिवडणुकीत भाजपला आपला बालेकिल्ला हातातून गमवावा लागला होता. या ठिकाणी काँग्रेसचे रवींद्र धंगेकर यांनी भाजपच्या हेमंत रासने यांचा पराभव केला होता. त्यामुळे आता भाजप अजूनच सतर्क झाली असून लोकसभा निवडणुकीसाठी नवीन आणि तगड्या चेहऱ्याच्या शोधात आहे. यातच आता सुनील देवधर हे इच्छुक असल्याने भाजपच्या राष्ट्रीय नेतृत्वाने देवधर यांचा गांभीर्याने विचार करण्यास सुरुवात केली आहे.
पुणे लोकसभा मतदारसंघात राष्ट्रीय स्वयंसेवक संघाला मानणारा मोठा वर्ग आहे आणि देवधर हे संघाचे माजी प्रचारक राहिलेले आहेत. त्याचबरोबर त्यांनी २०१४ साली पंतप्रधान नरेंद्र मोदी प्रतिनिधित्व करत असलेल्या वाराणसी मतदारसंघाची जबाबदारी प्रभावीपणे पार पाडली होती. त्याचबरोबर २०१८ साली त्रिपुरामध्ये डाव्यांच्या २५ वर्षांच्या सत्तेला सुरुंग लावत भाजपला सत्तेत बसवलं होतं. त्यामुळे आता सुनील देवधर हे पुणे लोकसभा मतदारसंघातून निवडणूक लढवण्यास इच्छुक असल्याने भाजपचे शीर्षस्थ नेतृत्व देखील देवधर यांच्यावर पुण्याची जबाबदारी सोपवण्याच्या तयारीत दिसत आहे.
Video : मी तयारीतच आहे… दादांच्या धाकट्या लेकाचे मोठे संकेत, बारामतीच्या कार्यकर्त्यांना काय म्हणाले?
कोण आहेत सुनील देवधर ?
सुनील देवधर यांचा जन्म पुण्यात झाला. लहानपणीपासून संघाच्या मुशीत वाढलेल्या देवधरांनी तब्बल १२ वर्ष राष्ट्रीय स्वयंसेवक संघाचे प्रचारक म्हणून ईशान्य भारतात काम केलं आहे. शिवाय, बंगाली भाषेसह इतर अनेक भाषांवर त्यांचे प्रभुत्व आहे.
मेघालय, त्रिपुरा, नागालँडमधील खासी आणि गारो सारख्या स्थानिक जातींमधील लोकांत त्यांच्या चांगला जनसंपर्क आहे. २००५ पासून ‘माय होम इंडिया’च्या नावाने एक स्वयंसेवी संस्थादेखील त्यांनी सुरु केली आहे. या संस्थेच्या माध्यमातून ईशान्य भारतातील नागरिकांना सर्वप्रकारची मदत केली जाते.
याशिवाय २०१४ च्या लोकसभा निवडणुकीत त्यांच्याकडे पंतप्रधान नरेंद्र मोदींच्या वाराणसी मतदारसंघाची जबाबदारी होती. यावेळी त्यांनी बूथ बांधणीच्या कामामुळे पंतप्रधान मोदींचा विक्रमी मताधिक्क्याने विजय झाला.