मुंबई: मुंबई दूध उत्पादक संघाने (MMPA) म्हशीच्या दुधाच्या घाऊक दरात २ रुपयांनी वाढ केली आहे. आता दुधाचे दर ८५ रुपयांवरून ८७ रुपये प्रतिलिटर करण्यात आली आहे. ही वाढ १ सप्टेंबरपासून लागू होणार आहे. किरकोळ विक्रेत्यांना ५ ते ७ रुपये अधिक आकारण्याची अपेक्षा आहे. म्हशीच्या दुधाचा बाजार दर ९२ ते ९४ रुपये प्रतिलिटरपर्यंत होण्याची शक्यता आहे.
यावर एमएमपीएचे कार्यकारी सदस्य सीके सिंग म्हणाले की, याआधी १ मार्चपासून जेव्हा किमतीत शेवटची वाढ करण्यात आली होती. तेव्हापासून चाऱ्याचे दरही वाढले आहेत. गुरांचा चारा २०% वाढला आहे. दरम्यान सणासुदीच्या आधीच सामान्य जनतेला महागईचा फटका बसला आहे. भाजीपाल्यानंतर आता दुधाच्या दरात वाढ झाल्याने सामान्यांच्या खिशाला चिमटा बसणार आहे. टोमॅटो, कांदा आणि आता दुधाच्या दरात वाढ झाल्याने सर्वसामान्यांची चिंता वाढली आहे.
यावर एमएमपीएचे कार्यकारी सदस्य सीके सिंग म्हणाले की, याआधी १ मार्चपासून जेव्हा किमतीत शेवटची वाढ करण्यात आली होती. तेव्हापासून चाऱ्याचे दरही वाढले आहेत. गुरांचा चारा २०% वाढला आहे. दरम्यान सणासुदीच्या आधीच सामान्य जनतेला महागईचा फटका बसला आहे. भाजीपाल्यानंतर आता दुधाच्या दरात वाढ झाल्याने सामान्यांच्या खिशाला चिमटा बसणार आहे. टोमॅटो, कांदा आणि आता दुधाच्या दरात वाढ झाल्याने सर्वसामान्यांची चिंता वाढली आहे.
ओला चारा आणि जनावरांच्या चाऱ्यांच्या किमतीत वाढ झाल्याने ही निर्णय घेण्यात आला आहे, असे मुंबई दूध उत्पादक संघाने सांगितले आहे. दरात वाढ करण्याआधी मुंबई दूध उत्पादक संघाची बैठक झाली होती. या बैठकीत हा निर्णय घेण्यात आला आहे. ही बैठक उपाध्यक्ष रमेश दुबे यांच्या अध्यक्षतेखाली पार पडली. आता याचा परिणाम दुधाशी संबंधित सर्व खाद्यपदार्थांवर होण्याची शक्यता आहे. दुधाशी संबंधित सर्व खाद्यपदार्थांच्या किमतीत वाढ होण्याची शक्यता आहे. दरम्यान दुसऱ्यांदा दुधात वाढ करण्यात आली आहे.