पुणे: केंद्राच्या शिक्षण मंत्रालयाकडून राष्ट्रीय पुरस्कारांची घोषणा करण्यात आली आहे. मात्र या पुरस्कारात पुण्यातील जिल्हा परिषद शाळेच्या शिक्षिकेने आपले नाव कोरले आहे. मृणाल नंदकिशोर गांजाळे यांना यंदाचा राष्ट्रीय शिक्षक पुरस्कार जाहीर झाला आहे. देशभरातून ५० शिक्षकांची या पुरस्कारासाठी निवड करण्यात आली असून त्यात मृणाल संपूर्ण महाराष्ट्रातून एकमेव शिक्षिका आहेत.
मृणाल नंदकिशोर गांजाळे या पुणे जिल्ह्यातील आंबेगाव तालुक्यातील पिंपळगाव महळूंगे येथील शाळेत शिक्षिका आहेत. विद्यार्थ्यांच्या सर्वांगीण विकासावर भर देता यावा यासाठी त्या विद्यार्थ्यांच्या विकासावर भर देत आहेत. शाळेत विविध उपक्रम राबवून विद्यार्थ्यांना प्रगतशील बनवण्यासाठी प्रयत्न करत आहेत. एवढेच नाही तर त्या यंदाच्या वर्षी शरद पवार इंस्पायर फेलोशिप इन एज्युकेशनच्या फेलो २०२३-२४ मानकरी देखील ठरल्या आहेत.
मृणाल नंदकिशोर गांजाळे या पुणे जिल्ह्यातील आंबेगाव तालुक्यातील पिंपळगाव महळूंगे येथील शाळेत शिक्षिका आहेत. विद्यार्थ्यांच्या सर्वांगीण विकासावर भर देता यावा यासाठी त्या विद्यार्थ्यांच्या विकासावर भर देत आहेत. शाळेत विविध उपक्रम राबवून विद्यार्थ्यांना प्रगतशील बनवण्यासाठी प्रयत्न करत आहेत. एवढेच नाही तर त्या यंदाच्या वर्षी शरद पवार इंस्पायर फेलोशिप इन एज्युकेशनच्या फेलो २०२३-२४ मानकरी देखील ठरल्या आहेत.
मृणाल नंदकिशोर गांजाळे या मूळच्या मंचर येथील राहणाऱ्या असून त्यांचे पती मयूर शिंदे हे देखील उच्च शिक्षित असून मंचर कृषी उत्पन्न बाजार समितीत काम करत आहेत. २००९ पासून मृणाल या शिक्षण देण्याचे काम करत आहेत. एका शेतकरी कुटुंबातील मुलीला हा पुरस्कार मिळाल्याने त्याची विशेष चर्चा आता सुरू झाली आहे. माझ्या पत्नीला हा पुरस्कार मिळाल्याने मला विशेष अभिमान असून राज्यातून एकमेव तीच शिक्षिका आहे. तिला हा सन्मान मिळाला असल्याचे मृणाल नंदकिशोर गांजाळे यांचे पती मयूर शिंदे यांनी प्रतिक्रिया दिली आहे.
राज्याचे शिक्षण आयुक्त सूरज मांढरे यांनी मृणाल गांजाळे यांचे अभिनंदन केले असून राज्य निवड समितीने गांजाळे यांची सर्वाधिक गुणांनी निवड केली होती. तसेच पुरस्कारासाठी शिफारस देखील केली होती. त्यांच्या या निवडीने पुण्याची मान पुन्हा एकदा उंचावली आहे. राज्यातून एकमेव शिक्षिकेला हा पुरस्कार जाहीर झाला असल्याने पुण्याच्या शिरपेचात हा मानाचा तुरा रोवला गेला आहे.