ठाणे : लग्जरी कार म्हणून ओळख असलेल्या बीएमडब्ल्यू ला कार शनिवारी सकाळी अचानक आग लागल्याची घटना घोडबंदर रोड येथे घडली आहे. घोडबंदर रोड, बिल्डींगच्या आवारात या कारने अचानक पेट घेतल्याने अचानक पेट घेतला. या घटनेत कुठेलीही दुखापत नसून अग्निशमन दालने अर्धा तास शर्थीचे प्रयत्न करून आगीवर नियंत्रण मिळवले. या आगीत कारचे मोठ्या प्रमाणात नुकसान झाले आहे.

घोडबंदर रोड, मानपाडा येथील तळ अधिक २५ मजली सोहम गार्डन येथील क्रिस्टल स्पायर्स बिल्डींगच्या आवारात बीएमडब्ल्यू ही कार येताच त्या कारने अचानक पेट घेतल्याची घटना शनिवारी सकाळी सव्वा सात वाजण्याच्या सुमारास समोर आली. ही कार गौरांग मोरे यांच्या मालकीची असून शनिवारी सकाळी पांचपाखाडी येथून मानपाडा येथे सोसायटीच्या आवारात कार घेऊन येताच कारने अचानक पेट घेतला.

गाडीला आग लागली तेव्हा कारमध्ये दोघे जण उपस्थित होते. या घटनेची माहिती मिळताच घटनास्थळी आपत्ती व्यवस्थापन आणि अग्निशमन दल या विभागांनी धाव घेत, आगीवर नियंत्रण मिळविले. सुदैवाने या घटनेत कोणालाही दुखापत झाली नसली तरी कारचे नुकसान झाल्याची माहिती आपत्ती व्यवस्थापन कक्षाने दिली.

मुंबई-पुणे एक्स्प्रेस वेवर कंटेनरच्या धडकेत गाड्यांचा चक्काचूर; दोघांचा जागीच मृत्यू, पाचजण जखमी