त्या अर्जाची चौकशी करून तक्रारदार यांच्या बाजूने मदत करून देण्यासाठी आरोपी पोलीस उपनिरीक्षक योगेश हरी चव्हाण, नेमणूक जामखेड बीट ता. अंबड यांनी तक्रारदार यांच्याकडे ५० हजारांची लाच मागितली होती. पण तक्रारदार लाच देण्याच्या या प्रकाराबद्दल नाराज होते.

पोलीस पत्नीला ड्युटीवरुन आणलं, मोठ्या मुलीला शाळेत सोडलं; जिथे ‘हृदय’, तिथेच नवऱ्याने दोघींना संपवलं
लाच दिली नसल्याने काम होईना. त्यामुळे तक्रारदार त्रस्त झाले होते. अखेर त्यांनी पण चाल खेळली. पोलिस उपनिरीक्षकाशी तडजोडीचे नाटक केले आणि तडक लाचलुचपत खात्याला तक्रार दिली. तडजोडी अंती ३० हजार रुपये देण्याचे ठरले होते. पोलीस उपनिरीक्षक चव्हाण यांनी मित्रामार्फत आधीच १० हजार रुपये १७ ऑगस्ट रोजी स्वीकारले होते, पण उर्वरित पैशांच्या मागणीसाठी चव्हाण यांनी तगादा लावला होताच.

गाडीत पैशांवरुन वाद, सराईत गुंडाचा भररस्त्यात खून, पिंपरीत फिल्मी थरार
तक्रारदाराच्या अर्जावरुन औरंगाबाद येथील लाच लुचपत प्रतिबंधक विभागाचे पोलिस निरीक्षक फुला यांनी सापळा लावला, आणि या सापळ्यात पोलीस निरीक्षक चव्हाण अडकले. त्यांनी पंचासमक्ष अजून ४० हजार रुपये लाचेची मागणी केली. दरम्यान तडजोडी अंती ३० हजार रुपये लाचेची रक्कम ठरवून थोड्या वेळातच ३० हजार रुपये पंच साक्षीदार समक्ष पोलीस निरीक्षक चव्हाण यांनी लाचेची रक्कम स्वतः स्वीकारली.

सापळा पथकात पोहेकॉ. शिरीष वाघ, पोना, राजेंद्र सिनकर, पो.शि. चांगदेव बागुल आदींचा समावेश आहे. चव्हाण यांच्या विरोधात गुन्हा दाखल करण्याची प्रक्रिया सुरू होती. ही कारवाई दि २३ ऑगस्ट रोजी करण्यात आली. ही कारवाई लाच लुचपत प्रतिबंधक विभागाचे पोलीस अधीक्षक संदीप आटोळे व पोलीस उप अधीक्षक राजीव तळेकर यांच्या मार्गदर्शनाखाली करण्यात आली.