याबाबत मेट्रोकडून सांगण्यात आले, की वनाझ ते रुबी हॉल पर्यंत सुरू असलेली मेट्रो रामवाडीपर्यंत सुरू करण्यासाठी नोव्हेंबर लागणार आहे. या मार्गावरील बंडगार्डन, येरवडा, कल्याणीनगर आणि रामवाडी मेट्रो स्टेशनची कामे ९० टक्के पूर्ण झाली आहेत. या मार्गावरील इलेक्ट्रिक, सिग्नलिंगची कामे केली जात आहेत. तसेच, इतर तांत्रिक कामे वेगाने सुरू आहेत. त्यानंतर सीआरएमएसची चाचणी पूर्ण करून नोव्हेंबरपर्यंत सुरू केली जाण्याची शक्यता आहे.

स्वारगेटपर्यंत मेट्रो पुढील वर्षी

पिंपरी चिंचवड ते सिव्हील कोर्ट मार्गावर मेट्रो स्वारगेटपर्यंत सुरू होण्यासाठी फेब्रुवारी २०२४ लागणार आहे. सिव्हील कोर्ट ते स्वारगेट हा संपूर्ण मार्ग भुयारी आहे. या मार्गावरील बुधवार पेठ, मंडई आणि स्वारगेट अशी भुयारी स्टेशन आहे. या मार्गाचे काम ७० टक्क्यांपर्यंत पूर्ण झाले आहे. तर, स्टेशनची कामे वेगवेळ्या टप्प्यावर आहेत. ती पूर्ण होण्यासाठी पुढील वर्ष लागणार आहे. त्यामुळे स्वारगेटपर्यंत मेट्रो सुरू होण्यासाठी पुढील वर्षापर्यंत थांबावे लागणार आहे.