वाशिम : मुंबईतील सायन रेल्वे स्थानकावर एक महिलेला चुकून धक्का लागल्यानंतर तिच्या पतीने मारलेल्या जोरदार थापडीत रेल्वे रुळावर पडल्यानंतर उठण्याचा प्रयत्न करत असताना रेल्वेखाली चिरडून मृत्युमुखी पडलेल्या दिनेश राठोड संदर्भात आता नवी माहिती समोर येत असून नातेवाईकांनी त्याचा खून झाल्याचा आरोप केलाय.
२६ वर्षीय दिनेश राठोड हा मूळचा वाशिम जिल्ह्यातील कारंजा तालुक्यातल्या किनखेडा गावाचा रहिवाशी होता. मुंबई बेस्टमध्ये तो वाहक म्हणून मागील दोन वर्षांपासून कार्यरत होता. दिनेशच्या घरची आर्थिक परिस्थिती अत्यंत नाजूक होती. दिनेशच्या पगारावरच घर चालत होते. त्याच्या नातेवाईकांनी दिलेल्या माहितीनुसार त्यांना १३ ऑगस्ट रोजी रात्री १० वाजताच्या दरम्यान रेल्वे पोलिसांनी फोन केला आणि दिनेशचा रेल्वेतून पडून मृत्यू झाल्याची माहिती देण्यात आली. मात्र १६ ऑगस्ट रोजी या संदर्भातील फुटेज बातम्यांच्या माध्यमातून व्हाईरल झाल्यानंतर ते नातेवाईकांनी बघितले. दिनेशचा खून झाल्याचा आरोप त्याच्या चुलत भावाने केला आहे.
२६ वर्षीय दिनेश राठोड हा मूळचा वाशिम जिल्ह्यातील कारंजा तालुक्यातल्या किनखेडा गावाचा रहिवाशी होता. मुंबई बेस्टमध्ये तो वाहक म्हणून मागील दोन वर्षांपासून कार्यरत होता. दिनेशच्या घरची आर्थिक परिस्थिती अत्यंत नाजूक होती. दिनेशच्या पगारावरच घर चालत होते. त्याच्या नातेवाईकांनी दिलेल्या माहितीनुसार त्यांना १३ ऑगस्ट रोजी रात्री १० वाजताच्या दरम्यान रेल्वे पोलिसांनी फोन केला आणि दिनेशचा रेल्वेतून पडून मृत्यू झाल्याची माहिती देण्यात आली. मात्र १६ ऑगस्ट रोजी या संदर्भातील फुटेज बातम्यांच्या माध्यमातून व्हाईरल झाल्यानंतर ते नातेवाईकांनी बघितले. दिनेशचा खून झाल्याचा आरोप त्याच्या चुलत भावाने केला आहे.
आता पोलिसांनी या प्रकरणात दिनेशला धक्का देणाऱ्या दाम्पत्याला अटक केली असून पोलीस पुढील तपास करत आहेत. दिनेशवर १५ ऑगस्ट रोजी त्याच्या मूळगावी अंत्यसंस्कार करण्यात आले. त्याच्या मागे आई , बहीण, लहान भाऊ आणि आजारी वडील असा मोठा परिवार आहे. दिनेशच्या बहिणीने दिनेशला रेल्वेखाली ढकलणाऱ्यांना फाशी देण्याची मागणी केली आहे.
घरातील कमावता मुलगा गेल्याने दिनेशच्या आईच्या डोळ्यातील अश्रू काही केल्या थांबत नाहीयेत. दिनेशचे बीए पर्यंतचे शिक्षण झाले होते. अत्यंत मनमिळावू असलेल्या दिनेशची कोणतीही चूक नसताना त्याला प्राणास मुकावे लागल्याने गावात हळहळ व्यक्त केली जात आहे.