धनंजय मुंडे… असा नेता ज्याने शरद पवारांना दैवत मानून काका गोपीनाथ मुंडेंविरोधात राजकारण करण्याचं धाडस दाखवलं आणि भाजपविरोधी राजकारण सेट केलं. भाजपविरोधी राजकारणात धनंजय मुंडेंनी आपली छाप सोडत राष्ट्रवादीत स्थानही बळकट केलं.. परळीपासून वरळीपर्यंत भाजपविरोधी आवाज बुलंद केला आणि शरद पवारांसाठी बॅटिंग केली.. भाजपविरोधातल्या लढाईत शरद पवारांचा नाद करू नका असा नाराही दिला… पण राष्ट्रवादीतील फुटीत धनुभाऊंनी अजितदादांचं पारडं जड करत शरद पवारांशी वैर घेतलं.. आता याच धनंजय मुंडेंच्या बंदोबस्ताची जबाबदारी शरद पवारांनी घेतलीय. मुंडेंच्या बालेकिल्ल्यात पवारांनी डाव टाकलाय. धनंजय मुंडेंच्या तोडीस तोड मोहरा शोधलाय. पवारांनी धनंजय मुंडेंविरोधात कुणाला मैदानात उतरवलंय.
परळीच्या सामाजिक आणि राजकीय वर्तुळात स्वतंत्र अस्तित्व राखणारे बबन गीत्ते यांन राष्ट्रवादीत प्रवेश केलाय. कुणालाही भिडण्याची ताकद ठेवणारा तडफदार कार्यकर्ता म्हणून बबन गीत्ते यांची ओळख आहे. गॉडफादरच्या शोधात असलेल्या कार्यकर्त्यालाच पवारांची साथ मिळालीय. बबन गीत्ते हे परळी विधानसभेसाठी इच्छुक आहेत. धनंजय मुंडेंचा हिशोब चुकता करण्याचा राष्ट्रावादीचा मनसुबा आहे. त्यासाठी बबन गीत्ते नावाचा गडी पवारांनी मैदानात उतरवू शकतात.
परळीच्या सामाजिक आणि राजकीय वर्तुळात स्वतंत्र अस्तित्व राखणारे बबन गीत्ते यांन राष्ट्रवादीत प्रवेश केलाय. कुणालाही भिडण्याची ताकद ठेवणारा तडफदार कार्यकर्ता म्हणून बबन गीत्ते यांची ओळख आहे. गॉडफादरच्या शोधात असलेल्या कार्यकर्त्यालाच पवारांची साथ मिळालीय. बबन गीत्ते हे परळी विधानसभेसाठी इच्छुक आहेत. धनंजय मुंडेंचा हिशोब चुकता करण्याचा राष्ट्रावादीचा मनसुबा आहे. त्यासाठी बबन गीत्ते नावाचा गडी पवारांनी मैदानात उतरवू शकतात.
बबन गित्ते यांची राजकीय कारकीर्द
रेणापूरचे दिवंगत आमदार अण्णाभाऊ गीत्ते यांचे पुतणे
गेल्या २५ वर्षांपासून परळीतील सामाजिक कामात सक्रीय
२०१४ ला जनक्रांती सेनेच्या माध्यमातून राजकारणात उडी
स्थानिक राजकारणात स्वतंत्र गट अस्तित्वात
२०२१ ला बबन गीत्ते गटाला परळी पंचायत समिती सभापती पद वाट्याला
दांडगा जनसंपर्क हीच ताकद, युवा फौज पाठिशी
परळी शहर आणि ग्रामीण भागात थेट संपर्क
राजकारणात मोठ्या संधीसाठी धडपड, मात्र मोठ्या संधीच्या प्रतिक्षेत
शरद पवारांनी ताकद दिल्यास बबन गीत्तेंना दहा हत्तीचं बळ मिळेल.. त्यात बबन गीत्ते हे वंजारी समाजातून येतात. वंजारी समाजाच्या हक्काच्या मतदारांमुळे गोपीनाथ मुंडे आणि त्यांच्यानंतर पंकजा आणि धनंजय मुंडेंना आमदारकी मिळवणं सोपं गेलं. मात्र परळीत विरोधात वंजारी समाजाच्या नेत्याला मैदानात उतरवल्यास परळीतील समीकरणं बदलू शकतात.
परळीतील जातिनीहीय मतांची टक्केवारी
मराठा समाजाचे ४० टक्के
वंजारी समाज ३० टक्के
दलित, ओबीसी आणि मुस्लिम मतदार ३० टक्के
परळीतील दलित, मुस्लिम मतदार कायमच काँग्रेस, राष्ट्रवादीच्या पाठिशी
तर बबन गीत्ते यांच्यामुळे वंजारी मतांचं विभाजन शक्य
शरद पवारांमुळे दलित, मुस्लिम, मराठा मतदार वर्ग बबन गीत्तेंना पाठिंबा देऊ शकतो
गोपीनाथ मुंडेंविरोधात तुल्यबळ वंजारी उमेदवार नसल्याने परळीतील वंजारी समाजाचा एकहाती पाठिंबा गोपीनाथ मुंडेंना मिळायचा. मात्र पंकजा आणि धनंजय मुंडेंच्या लढतीमध्ये पहिल्यांदाच मोठ्या प्रमाणात वंजारी मतांचं विभाजन झालं. बबन गीत्तेंच्या रूपाने तडफदार युवा नेता राष्ट्रवादीला मिळाल्याने २०२४ ला वंजारी मतांच्या विभाजनाचा फटका धनंजय मुंडेंना बसू शकतो. शिवाय परळीतील इतर घटकही राष्ट्रवादीचा उमेदवार म्हणून बबन गीत्तेंना साथ देऊ शकतात.