अकोला : अकोला शहरातून एक धक्कादायक बातमी समोर आली आहे. जुने शहर पोलीस स्टेशनच्या हद्दीत गीता नगरमध्ये एक महिला पोलीस कर्मचारी गळफास घेतलेल्या अवस्थेत आढळली. गीता नगरमधील एका अपार्टमेंटमधील राहत्या घरात त्यांचा मृतदेह आढळला. वृषाली दादाराव स्वर्गे (वय ३५) असं महिला पोलीस कर्मचाऱ्याचं नाव आहे.
‘आधी पतीचे निधन झाले, त्यात मूल-बाळ नाही. आयुष्यात एकटीच राहिली, या आयुष्याला पूर्णपणे वैतागले आहे, म्हणून आज ‘मी’ आपलं जीवन इथेच संपवत आहे, अशाप्रकारे सुसाईड नोट लिहून वृषाली हिने आत्महत्या केली आहे. ही माहिती पोलीस निरीक्षक नितिन लेव्हरकर यांनी दिली आहे. परंतु या घटनेमुळे परिसरात एकच खळबळ उडाली असून अकोला पोलीस दलात दुःखाचं वातावरण पसरलं.
‘आधी पतीचे निधन झाले, त्यात मूल-बाळ नाही. आयुष्यात एकटीच राहिली, या आयुष्याला पूर्णपणे वैतागले आहे, म्हणून आज ‘मी’ आपलं जीवन इथेच संपवत आहे, अशाप्रकारे सुसाईड नोट लिहून वृषाली हिने आत्महत्या केली आहे. ही माहिती पोलीस निरीक्षक नितिन लेव्हरकर यांनी दिली आहे. परंतु या घटनेमुळे परिसरात एकच खळबळ उडाली असून अकोला पोलीस दलात दुःखाचं वातावरण पसरलं.
काय आहे संपूर्ण घटना?
वृषाली दादाराव स्वर्गे (वय ३५) या अकोला शहरातील सिटी कोतवाली पोलीस स्टेशनमध्ये कार्यरत होत्या. काही दिवसांपूर्वी त्यांची बदली झाली होती, त्यानंतर त्यांनी पोलीस अधीक्षक संदीप घुगे यांना विनंती करून बदली थांबवण्यात यावी, असा आग्रह केला. त्यानंतर वृषाली यांना कोतवाली पोलीस ठाण्यात कायम ठेवण्यात आलं.
पोलीस दलात ड्युटीवर असताना सर्व काही सुरळीत सुरू होतं. काल १५ ऑगस्ट रोजी झेंडावंदन करण्यासाठी पोलीस ठाण्यात त्या गैरहजर होते. दरम्यान वृषाली जिथे राहायच्या, तिथे शेजारील लोकांना त्यांच्या फ्लॅटमधून दुर्गंधी येऊ लागली. शेजाऱ्यांनी अनेकदा दरवाजाही ठोठावला, परंतु आत मधून कुठल्याही प्रतिसाद येत नव्हता. त्यानंतर याची माहिती जुने शहर पोलीस स्टेशनमध्ये देण्यात आली.
शेतात फवारणी करताना पदर ट्रॅक्टरमध्ये अडकला, पतीच्या डोळ्यांसमोर पत्नीचा तडफडून अंत
पोलिसांनी आज पहाटे घटनास्थळ गाठून वृषाली यांच्या घराचा दरवाजा तोडला आणि आत प्रवेश केला. यावेळी वृषाली ही गळफास घेतलेल्या अवस्थेत दिसून आली. पोलिसांनी घटनास्थळाचा पंचनामा करून मृतदेह शासकीय रुग्णालयात शव विच्छेदनासाठी पाठवून दिला आहे. तसेच या प्रकरणात आकस्मित मृत्यूची नोंद देखील करण्यात आली आहे.
स्कूटरला उडवलं, कारसोबत फरफटत नेल्याने चिमुकल्याचा मृत्यू, पिंपरीत हृदयद्रावक घटना
दरम्यान ज्या ठिकाणी वृषाली ह्या ड्युटीवर कार्यरत होत्या, तेथील महिला पोलीस कर्मचारी सांगतायत की वृषाली ही स्वभावानं अतिशय मनमिळाऊ आणि प्रेमळ होत्या. नेहमी हसमुख राहायच्या. त्यांच्या जाण्याने आम्हा सर्वांना अतिशय धक्का बसलाय, त्यांच्या आत्महत्येची बातमी समजताच इतर महिला पोलीस कर्मचाऱ्यांनी घटनास्थळी भेटी दिल्या, अनेकांच्या डोळ्यातून अश्रू अनावर झाले होते.
या कारणांनं वृषालीनं उचललं टोकाचं पाऊल
वृषाली यांचे पती दादाराव स्वर्गे हे पोलीस दलात कार्यरत होते. २०१४ मध्ये दीर्घ आजाराने त्यांचे निधन झाले, त्यानंतर त्यांच्या जागी वृषाली या पोलीस दलात दाखल झाल्या. दरम्यान २०१४ पासून वृषाली एकटीच राहायची, लग्नानंतर त्यांना कोणतेही मूलबाळ नव्हतं, त्यात पतीचे निधन झाले. तेव्हापासून त्या नेहमी तणावात राहायच्या अशी प्राथमिक माहिती पोलिसांनी दिली आहे.
दरम्यान वृषाली यांच्याजवळ एक सुसाईड नोट आढळून आली, त्यामध्ये तिने म्हटले आहे की पतीच्या निधनानंतर आयुष्यात आज एकटी राहिली आहे. त्यात मूल-बाळ पण नाहीये, जगावं तर कोणासाठी? त्यामुळे आज माझ्या इच्छेने ‘मी’ आपलं जीवन संपवत आहे, माझ्या मृत्यूला कोणालाही कारणीभूत म्हणजे जबाबदार ठेवू नका, हे सर्व काही स्वतः करीत आहे, असं सुसाईड नोटमध्ये नमूद आहे.